ORANJESTAD – Aruba Softball Bond por a tuma nota di un movecion di Rockets Organisation di Santa Cruz pa cu atletanan hoben femenino. Despues cu den luna di December a haci 2 opendag a ricibi bastante inscripcion y hobennan cu interes pa practica softball.

Fano Croes e motor tras di esaki a comenta Aruba Softball Bond cu e intencion ta pa fortifica e deporte di softball y kier traha fuerte den area di Santa Cruz y vecindario. Desde Januari 2019 a inicia cu un grupo di hoben femenino di edad 10 te cu 16 aña unda tur diamars y diahuebs atardi ta train na School di Macuarima den sala di 530 pa 630 pm y tur diasabra riba veld di Rockets na Sta Cruz.

Tin un averahe di 24 atleta den e edad ariba menciona ta acudiendo y mester bisa di ta contento cu e majoornan ta motiva nan yiunan pa practica deporte y hopi contento pa mira e interes grandi den Santa Cruz y vecindario pa cu e deporte di softball.

Esaki ta inicio pa fortifica Rockets Organisation cu un hala femenino di softball. Tin espacio pa sigui crece y na tur majoornan di Santa Cruz y region cu ta interesa pa mas informacion por tuma contacto libremente cu Nachma Kock na 5943202 of Milly Kock na 5940176. Si bo yiu tin entre 10 y 16 aña y ta desea pa e por siña hunga softball y forma parti di un ekipo, tuma contacto libremente cu nos pa mas informacion.