FILE - In this July 23, 2016, file photo, a representation of the Olympic rings are displayed in the Olympic Village in Rio de Janeiro, Brazil. An eye-opening survey finds that the majority of elite and Olympic athletes struggle to make ends meet. 58 percent of the 491 respondents from across the globe said they did not consider themselves financially stable. (AP Photo/Leo Correa, File)

Den un encuesta na casi 500 atleta elite den 48 diferente pais, hopi di nan preparando pa Olimpiada e aña aki, un grupo di derecho di atleta a haya cu 58% a bisa cu nan no ta considera nan mes stabiel financieramente.

Mayorianan mas grandi ainda a bisa cu nan no ta ricibi ‘e cantidad adecua di compensacion financerio’ di Comite Olimpico Internacional (IOC) of federacionnan nacional cu ta manda nan na Olimpiada y otro eventonan mayor.

Y 57% a contesta ‘si’ ora a puntra si IOC mester paga atletanan pa atende su eventonan.

Durante ultimo aña, e grupo defensor Global Athlete a ricibi contesta di 491 atleta di seis continente, 200 di cual ta identifica como Olimpico of Paralimpico, y e resto cu ta competi na nivel elite den nan pais of nivel internacional. E respuestanan a pinta un di e potretnan mas completo di e realidad documenta di competencia na nivel mas halto di deporte Olimpico: casi ningun persona ta bira rico, mientras mayoria ta pober y mara na e burocracia cu ta paga e seccion diverso aki di locual ta, en general, deporte niche.

Como parti di e encuesta, atletanan kende a bisa cu no ta considera nan mes financieramente sigur a ricibi chens di splica. Tabatin 89 contesta, mayoria cu ta mustra similar: “Mi sport no ta provee placa pa mi.”

Aña pasa, impulsa en parti pa un veredicto di corte Aleman, IOC a permiti comite Olimpico nacional pa relaha reglanan riba locual ta conoci como Regla 40 – un regla cu ta restringi atletanan di genera placa completamente riba nan potencial di marketing mientras Olimpiada ta andando.

IOC y su afiliadonan pa largo a argumenta cu nan mester un espacio pa aviso cu no ta druk, specialmente durante Olimpiada, pa preserva e balor di patrocinadonan Olimpico, cu a cambio ta permiti nan pa duna un escenario enorme pa e atletanan competi. E realidad aki no a bay perdi cerca hopi di e 111 atleta cu a contesta riba con pa gana control di nan imagen durante Olimpiada.

Pero e motibonan pa instabilidad financiero ta mas profundo cu Regla 40. Ta papia di problema tocante pago pa training, gasto di bida, seguro y oportunidad despues di e carera. Decenas di storia ta circula durante añanan Olimpico tocante atletanan cu ta bende cuminda of habri pagina di GoFundMe pa sobrevivi. Hopi federacion nacional a purba mehora condicion pa nan atletanan den e areanan aki, pero segun e encuesta, no a logra.

Olimpiada y su deportenan afilia tin un bentaha unico riba atletanan, compara cu hopi liga profesional. Nan ta maneha e evento mas grandi y prestigioso di mundo, mientras e miles di atleta plama rond decenas di pais ta lucha pa uni pa papia cu un voz. Esaki hopi biaha ta laga e atletanan, sin ken no lo tin Olimpiada, den posicion di acepta locual nan ser duna, sin mucho chens pa negocia.

Contestando si atletanan pester tin sikiera mita di votonan den organisacion deportivo ora ta desaroyando reglanan cu ta afecta nan, 87% a bisa ‘si’. Pero den espacio Olimpico, ta leu di un realidad. Por ehempel, Comite Olimpico y Paralimpico Mericano, bou scrutinio pa e asunto aki, recientemente a skirbi ley pa aumenta representacion di atleta na 33% riba mayoria di su cuerponan gobernante.

Mientras mayoria a bisa cu organisacionnan for di IOC na federacion nacional ta respeta nan derecho, ora ta bay den specifico mayoria a bisa ‘no’, por ehempel, si nan ta ricibi cuido adecua pa cu salud mental.

No tur respuesta tabata negativo. Di e 42% cu a bisa cu ta considera nan mes financieramente stabiek, 66 a duna comentario. A pesar di e positivismo den esaki, mayoria tabata yen di e realidad di ta un atleta elite den deporte cu ta riba escenario apenas cada cuatro aña.

LEAVE A REPLY

Please enter your comment!
Please enter your name here