Real Madrid's Luka Jovic kicks the ball to score during the Spanish La Liga soccer match between Osasuna and Real Madrid at El Sadar stadium in Pamplona, northern Spain, Sunday, Feb. 9, 2020. (AP Photo/Alvaro Barrientos)

Real Madrid y Barcelona a recupera di eliminacion decepcionante den Copa del Rey cu victorianan den liga Spaño diadomingo pa continua den careda pa e titulo.

Tres dia despues di perde den cuart final di e Copa, Madrid a vence Osasuna 4-1 y Barcelona a derota Real Betis 3-1. E resultadonan a tene e lider Madrid tres punto dilanti di segundo luga Barcelona.

Victoria di Barcelona a alivia un tiki di e presion ainda rond di e club desde cu a reemplasa coach Ernesto Valverde cu Quique Setien na cuminsamento di aña. “Nos por a haci algun cos miho, pero mi ta contento cu nos prestacion”, Setien a bisa. “E team ta mehorando. Tabata un victoria importante fuera di cas, unda nos tabata luchando.”

Den su cuatro partido anterior fuera di cas e aña aki, e unico victoria di Barcelona tabata na e club di tercer division, Ibiza, den Copa del Rey.

Setien tabata a cargo di Betis ultimo biaha cu a derota Barcelona na 2018. Esey tabata e unico victoria di e team den su ultimo 18 partido di liga contra Barcelona.

E club Catalan a cay atras dos biaha diadomingo, pero a rally cu tres asistencia di Lionel Messi den un partido tenso, den cual ambos team a termina cu 10 homber. Nabil Fekir di Betis a ricibi un segundo carchi geel den minuut 76 y Clement Lenglet di Barcelona a ser retira den minuut 79, tambe cu un segundo carchi geel. Shete minuut antes, Lenglet a anota e gol victorioso cu un tiro di cabes for di un tiro liber di Messi.

Betis a habri anotacion apenas seis minuut den e partido cu un penalty converti pa Sergio Canales despues cu revision di video (VAR) a mira un handball di Lenglet den e area. Barcelona a empata tres minuut despues cu Frenkie de Jong anotando di cerca despues di un bon pase di Messi.

Betis a bay dilanti atrobe cu un tiro about di Fekir den 26 despues di un eror di centrocampista di Barcelona, Arturo Vidal, pero e bishitantenan a empata e partido cu e gol di cerca di Sergio Busquet.

Betis, cu a gana apenas un di su ultimo shete partido di liga, a cay na di 13 luga.

Mientras tanto, Real Madrid a recupera di su eliminacion di Copa del Rey door di derota Osasuna.
Osasuna a tuma un bentaha trempan, pero Isco Alarcon y Sergio Ramos a anota gol cinco minuut apart laat den e prome mita, y substitutonan Lucas Vazquez y Luka Jovic a agrega un par di gol laat den e segundo.

E derota na cas contra Sociedad den Copa del Rey a termina cu e racha di 21 wega invicto di Madrid den tur competencia. “Nos mester a gana despues di locual a pasa den e Copa”, coach di Madrid, Zinedine Zidane a bisa. “Ta unicamente tres punto, pero tres punto hopi importante.”

 

LEAVE A REPLY

Please enter your comment!
Please enter your name here