Coach di Barcelona Ronald Koeman a bisa cu e sistema di video pa asisti referee ta parce di ta “pa usa den decision contra Barcelona” despues di e penalty cu Sergio Ramos a haya, cu a yuda Real Madrid gana e Clasico di fin di siman aki.

Federico Valverde a duna Real, cu a perde e dos weganan anterior, un bentaha, pa despues Ansu Fati, un di e teenagernan di Barça, iguala e score na 1-1. Despues a bin e hugada, den cual Clement Leglet a tene shirt di Sergio Ramos dilanti gol di Barcelona, despues di cual Ramos a bay tera remarcablemente rapido. Finalmente, despues di un decision di VAR cu a tuma hopi tempo, referee Juan Martinez Munuera a duna Ramos beneficio di duda y e mes a cobra di 11 metro. Despues Luka Modric a pone Real na mas distancia ainda: 3-1.

Barça a mira dos apelacion riba VAR nenga, un pa infraccion riba Messi y otro pa hands. “Mi no ta comprende VAR, mi ta kere cu ta usa e cos aki pa tuma decision contra Barça,” Koeman a comenta, cu a mira su team piki solamente siete punto den cinco partido. “Nos tabatin cinco partido y VAR a ser usa solamente contra nos, nunca el a cay pa nos banda.”

E resultado ta pone Real na top di tabla di La Liga, cu 13 punto di seis partido, seis punto mas cu Barcelona. Koeman lo haya algo di splica pronto, cu un resultado bastante pober den inicio di temporada. Su teenagernan ta presta bon, specialmente Fati y Sergino Dest, pero decisionnan no tuma pa cambia e partido, manera entrada hopi laat den wega di Griezmann y Dembele, ta core pa cuenta di Koeman. Lionel Messi no tabata asina visible y no a score den ultimo seis Clasico.

LEAVE A REPLY

Please enter your comment!
Please enter your name here