Bayern's Robert Lewandowski, left, fights for the ball with Bremen's Marco Friedl during the German Bundesliga soccer match between Werder Bremen and Bayern Munich in Bremen, Germany, Tuesday, June 16, 2020. Because of the coronavirus outbreak all soccer matches of the German Bundesliga take place without spectators. (AP Photo/Martin Meissner, Pool)

Bayern Munich a sigura su di ocho titulo consecutivo di Bundesliga Aleman cu dos wega faltando, venciendo Werder Bremen 1-0 cu un gol di Robert Lewandowski.

Sin fanatico den tribuna durante un anochi muha na Bremen, tabata un celebracion suave y inusual pa hungadonan di Bayern, kende a bisti t-shirt conmemorativo y a duna tributo na nan sostenedonan cu aplauso. “Celebra sin fanatico ta complica”, Lewandowski a bisa transmisor Sky. “Falta e atmosfera y algo mas, no e motivacion, pero e pasion di e fanaticonan.”

E victoria a pone Bayern 10 punto dilanti di Borussia Dortmund na segundo luga, cu por gana un maximo di nuebe punto den su tres wega faltando.

Werder, cu ta luchando contra relegacion, a tene Bremen leu pa mayor parti di e prome mita, pero e campeonnan toch a haya un manera. Jerome Boateng a hunga un bala perfectamente riba e defensa den minuut 43, pa Robert Lewandowski controla esaki cu su pecho y mand’e a traves di e portero pa su di 31 gol den Bundesliga e temporada aki.

Bayern a termina cu 10 hungado despues di un segundo carchi cora pa Alphonso Davies den minuut 79. Portero Manuel Neuer a haci un safe critico pa stop tiro di cabes di Yuya Osako.

Cu e ultimo fluit, coach Hansi Flick a laga un banda regla di distanciamento social pa duna brasa na su staff mientras un cantidad di oficialnan di e club a duna man den tribuna.

Esey a haci Alemania e prome liga mayor Europeo pa corona un campeon despues di reanuda hugada memey di pandemia di coronavirus. Paris Saint-Germain a ser nombra campeon Frances na april, pero esey despues cu a cancela resto di e temporada.

Bayern ta buscando un posibel tripel corona. Por agrega e Cup Aleman si vence Bayer Leverkusen den final dia 4 di juli, y ta den concurso pa Champions League. “Nos tin suficiente tempo pa prepara p’e”, Lewandowski a bisa di Champions League.

E final relativamente trempan di Alemania probablemente lo laga Bayern un luna sin wega competitivo despues di final di Cup Aleman.

LEAVE A REPLY

Please enter your comment!
Please enter your name here