Lider di tabla Bayern Munchen a dal un paso grandi den direccion di campeonato di e temporada aki, venciendo den wega for di cas e club number dos actua, Borussia Dortmund.

Un gol sobresaliente di Joshua Kimmich di distancia grandi a duna Bayern e bentaha net promer cu half-time. Dortmund a trece e ingles Jadon Sancho den di dos mitar, pero e no por a inspira un cambio di e corelacion di forsa. Bayern su victoria ta pone nan siete punto dilanti di Dortmund, cu seis wega pa bay ainda.

Robert Lewandowski casi a duplica e bentaha di Bayern laat den e wega, pero poste a para su tiro. Algun minuut despues, hunto cu su coleganan di Bayern nan por a celebra e resultado cu por resulta clave pa logra e titulo.

Promer cu e partido a cuminsa, hopi tabata enfoca riba Lewandowski y Erling Braut Haaland di Dortmund, cu ambos atacante cu 41 gol den e temporada actual, poniendo nan na top di Europa pa mas gol anota.

Haaland a hera haya su di 42 gol di temporada despues di apertura, ora su tiro a pasa meymey di pianan di portero Manuel Neuer di Bayern, cu a haci su aparicion 400 den Bundesliga, pero Jerome Boateng tabata na su puesto pa saca e bala na ultimo momento.

Despues Dortmund tabatin e bala deposita den gol caba via un cabesazo di Thorgan Hazard pero un offside constata a elimina e esfuerzo aki.

E re-inicio di campeonato na Alemania a haci e debate den varios otro pais mas intenso ainda, unda tin bastante obhecion ainda contra reanuda competencia, mirando e situacion di coronavirus.

 

LEAVE A REPLY

Please enter your comment!
Please enter your name here