PARIS (AP) — E medio-campista Frances, Ben Arfa, a pidi 8 miyon euro den compensacion di Paris Saint-Germain, pa no lag’e hunga durante e ultimo 15 luna di su temporada, generalmente infeliz, cu e club.
E abogado di e hungado, Jean-Jacques Bertrand, a bisa den un entrevista cu AP ayera cu e demanda a wordo entrega diabierna na un tribunal di labor na Paris. Bertrand a bisa cu e contracto di Ben Arfa cu PSG tabata pisa cu bonus di presentacion, pues su ganashi a wordo afecta pa e decision di e club di no lag’e hunga. E demanda tambe ta argumenta cu e trato di Ben Arfa na PSG ta acoso laboral.
E abogado a bisa cu e meta di e club tabata ‘pa kibr’e’, y cu PSG ‘a haci tur den su poder pa push’e pa bay’. Como contesta, PSG a expresa confiansa cu e lo wordo vindica, y a bisa cu e ta lamenta e ‘terkedad’ di Ben Arfa y su abogado.
Ben Arfa a join PSG na 2016. Pero despues di dos anotacion den un cuartos di final di Cup Frances na april 2017, e nunca a hunga pa e prome ekipo di PSG te na final di su contract na juni 2018, un exilio di casi 70 wega.
.jpg)
