Juventus goalie Gianluigi Buffon keeps his eyes on the ball prior to the Serie A soccer match between Juventus and Torino, at the Allianz Stadium in Turin, Italy, Saturday, July 4, 2020. Juventus goalkeeper Gianluigi Buffon set an outright Serie A record on Saturday with his 648th appearance in Italy’s top flight. The Turin derby game against Torino moved the 42-year-old Buffon one ahead of AC Milan great Paolo Maldini, who set the record in 2009. (Marco Alpozzi/LaPresse via AP)

Portero di Juventus, Gianluigi Buffon a kibra otro record di Serie A diasabra, cu su di 648 presentacion den division top di futbol Italiano.

E partido contra Torino a pone Buffon, di 42 aña di edad, un wega dilanti di gigante di AC Milan, Paolo Maldini, kende a pone e record na 2009. Buffon a iguala su record dia 18 di december contra Sampdoria.

“No tabata problema pa warda pa e wega record. Ami lo a warda mas ainda, pasobra ta un momento delicado di e temporada”, Buffon a bisa despues di e partido. “E unico tension cu mi tabatin awe tabata relaciona cu e partido. E importancia tabata mas grandi cu mi record personal.”

Juventus a derota Torino 4-1 pa extende su bentaha den top cu shete punto riba Lazio na di segundo luga.

E hungadonan di Juventus tabatin ‘648Uffon’ riba manga di nan camisa pa marca e ocasion. Tambe tabata e di 915 partido di club pa Buffon como profesional, extendiendo su record pa un hungado Italiano. Mayoria di e weganan aki tabata pa Juventus. Buffon a join e Bianconeri na 2001 despues di cuminsa su carera cu Parma y rapidamente a establece su mes como un di e miho porteronan di mundo.

Recientemente el a extende su contract pa un temporada mas, durante cual e lo cumpli 43 aña di edad.

LEAVE A REPLY

Please enter your comment!
Please enter your name here