Campeonato mundial di ciclismo di ruta na Suisa proximo luna a keda cancela ayera, despues cu a extende un decreto di gobierno prohibiendo reunionnan masivo te cu october.

Sinembargo, cuerpo gobernante di ciclismo a bisa cu toch ta spera di haya un anfitrion nobo pa e eventonan riba e mesun fechanan di 20 pa 27 di september. Organisadornan Suiso di e campeonato, cual tabata supone di ta centra rond di Aigle unda e Union Internacional di Ciclismo (UCI) ta basa, a bisa cu nan no por continua dentro di un limite federal di mil persona den eventonan mayor.

E decision a bin despues cu conseho federal Suiso a extende e limite pa un di shete y final luna te cu dia 1 di october memey di aumento den casonan di coroanvirus den e nacion Alpino.

Reduccion di medidanan na october ta yuda e dos liga deportivo principal di Suisa, futbol y hockey di ijs, cual a adverti cu nan club mester publico mas grandi pa por sobrevivi financieramente. Nan por mira na un temporada nobo awo cu mas fanatico, probablemente enfrentando orden obligatorio pa bisti tapaboca na stadion, maske sin ningun fanatico di team externo permiti den stadion.

E guia nobo a yega demasiado laat pa e prome mundial di ruta di ciclismo na Suisa den 11 aña, y ta sigui e mundial di ice hockey na mei tambe cancela.

Awo, UCI lo busca pa un anfitrion nobo pa e mundial, probablemente na Europa, riba e mesun fechanan aloca den e kalender preta cu meta pa reschedule caredanan mayor y mayoria di clasico di un dia dentro di tres luna.

UCI ta entre e cuerponan gobernante di sport Olimpico mas afecta financieramente durante e pandemia, y na april a bisa cu mester tuma ‘accion drastico’.

LEAVE A REPLY

Please enter your comment!
Please enter your name here