FILE - In this Tuesday, March 17, 2020. filer, relatives walk behind a hearse carrying a coffin inside the Monumentale cemetery, in Bergamo, the heart of the hardest-hit province in Italy’s hardest-hit region of Lombardy, Italy. For most people, the new coronavirus causes only mild or moderate symptoms. For some it can cause more severe illness, especially in older adults and people with existing health problems. (AP Photo/Luca Bruno, File)

Para banda di otro dilanti di casi 100 miembro di Comite Olimpico Internacional (IOC), Sofia Goggia y Michela Moioli a sinti na cumbre di mundo.

Cada un medayista di oro Olimpico, Goggia e atleta di ski y Moioli di snowboarding tabata hunto pa un momento cu despues a ser considera vital den e oferta exitoso di Milan-Cortina pa ta anfitrion di Olimpiada 2026 – ganando e votadonan cu nan energia positivo.

Ocho luna despues, Goggia y Moioli ta sinti cu nan mundo a bin abou.

Cera na cas apenas algun kilometer leu di otro den area Bergamo nort di Italia cu ta luchando pa combati coronavirus, nan ta rondona pa morto y desesperacion.

Wela di Moioli a fayece despues di ta infecta cu e virus y su welo, kende tambe a test positivo, ta den cuido intensivo. “Ta un guera na cas”, Moioli a bisa. “E pueblo ta completamente desierto. E unico zonidonan cu bo ta tende ta campana di iglesia pa morto, y ambulance. Pafo di santana, caha di morto ta poni riba otro pasobra no tin persona pa dera nan. Tur famia tin sikiera un persona cu coronavirus.”

Bergamo ta epicentro di e provincia mas afecta di e region mas afecta di Italia, Lombardy, un sitio cu centenares di morto pa coronavirus. Famianan eynan ta priva di un despedida di nan sernan keri fayeci pa e virus, ni sikiera un funeral tradicional.

Esaki tabata birando un aña memorabel pa Bergamo, cu su team di futbol, Atalanta, clasificando pa quart final di Champions League – un logro remarcabel pa un club provincial.

Awo, sinembargo, Champions League ta suspendi.

“Hospital, specialmente den area di Bergamo, ta cla pa cay”, Goggia a skirbi riba Instagram. “E pensamento cu tanto hende di edad avansa ta enfrentando dianan asina dificil ta kibra mi curason. Nan ta enfrentando un sentido di soledad devastador.”

“Nos mester ta resiliente”, a agrega Goggia, kende a gana e titulo downhill na Olimpiada Pyeongchang 2018.

Moioli, kende a gana oro den snowboard cross na Pyeongchang, tabata forsa pa bandona su cas cerca di Bergamo fin di januari, na momento cu e virus a aparece prome, y bay den kazerne militar na Courmayeur pa asina termina temporada di Cup Mundial y evita cuarentena.

Mientras ya caba el a gana su tercer titulo di temporada di Cup Mundial, Moioli a haci un punto di gana e careda final di e temporada na Veysonnaz, Suisa, un siman pasa. Despues, el a kibra den lagrima durante entrevista despues di e careda, bisando cu el a core ‘pa mi ciudad natal’. Dianan despues, su wela Camilla a fayece.

“E funeral a dura apenas cinco minuut. No tabatin tempo ni pa reuni famia”, Moioli a bisa. “Awo nos ta resando pa welo Antonio. Ora tur esaki termina, lo ta ainda miho pa ta Italiano. Hende lo ta miho, menos egoista.”

 

LEAVE A REPLY

Please enter your comment!
Please enter your name here