LONDON, ENGLAND - NOVEMBER 05: Ajax's Dusan Tadic heads towards goal during the UEFA Champions League group H match between Chelsea FC and AFC Ajax at Stamford Bridge on November 5, 2019 in London, United Kingdom. (Photo by Rob Newell - CameraSport via Getty Images)

Grupo H di Champions’ League ta esun cu mas drama desde prome dia e aña aki. Y a bira mas asina despues di e resultadonan di siman pasa.

A papia hopi caba di Chelsea-Ajax den segundo vuelta cu a termina den 4-4, e miho partido te awor den e Liga e aña aki. Pero silenciosamente Valencia a gana Lille pa sigura tres punto mas, pa ta den e posicion di lider comparti cu Ajax y Chelsea. Awor ta surgi e posibilidad, cu riba e ultimo dia di e vuelta aki, un di e grandinan, Ajax o Chelsea, por bay cas sin yega sikiera na e weganan di knockout cu mester cuminsa.

Den negoshi di betting ta pensa cu ta mas probable cu Chelsea ta termina prome, cu Ajax na di dos lugar, pero ningun hende tin garantia. Riba dia di wega number 5, Chelsea ta biaha pa Valencia dia 27 di november, mientras Ajax ta bishita Lille e mesun dia.

E grupo ta clausura dia 10 di december, cu Valencia biahando pa Amsterdam pa topa Ajax y Chelsea ta ricibi Lille, cu ta su so abao, na cas.

Ta dificil pa kere cu Valencia ta gana Ajax den nan cas, y tambe ta practicamente imposible pa mira Lille vence Chelsea na Inglatera. Di otro banda, ora Ajax tabata gana 4-1 contra Chelsea, ningun hende por a pensa cu e wega lo a termina den 4-4.

 

LEAVE A REPLY

Please enter your comment!
Please enter your name here