Manchester City's Oleksandr Zinchenko kicks the ball during the English Premier League soccer match between Manchester City and Chelsea at Etihad stadium in Manchester, England, Sunday, Feb. 10, 2019. (AP Photo/Jon Super)

Chelsea a ricibi su perdida mas pisa den 28 aña ayera, ora Manchester City a derota e ekipo di Maurizio Sarri 6-0 den Premier League.

E encuentro entre e ultimo dos campeonnan tabata completamente desbalansa, mientras Sergio Aguero a anota un ‘hat trick’ (3 gol den e mesun partido) pa e di dos weekend consecutivo.

City a recupera e posicion top for di Liverpool, y Chelsea a caba e weekend saliendo afo di e Champion League pa di seis luga.

Raheem Sterling a anota dos biaha – e apertura di City den e di cuater minuut, y e di seis den minuut 80 – y Ilkay Gundogan tambe a anota.

Tabata e di tres perdida leu di cas pa Chelsea den e liga, siguiendo un collapse 2-0 na Arsenal, y un berguensa di 4-0 contra Bournemouth.

Chelsea no a perde pa seis gol of mas desde april di 1991 – un aña prome cu e inicio di e Premier League – ora Nottingham Forest a derota e club Londones 7-0.