United States' Cori "Coco" Gauff reacts during her first round singles match against compatriot Venus Williams at the Australian Open tennis championship in Melbourne, Australia, Monday, Jan. 20, 2020. (AP Photo/Dita Alangkara)

Coco Gauff, di 15 aña di edad, a enfrenta Venus Williams, di 39, pa cuminsa su prome presentacion den main draw na Melbourne Park, igual na con nan a match up pa cuminsa na Wimbledon alrededor di seis luna pasa. Y igual na All England Club, e muhe mas jong den e field a logra vence e muhe di mas bieu den e field, cu Gauff venciendo Williams 7-6 (5), 6-3 ayera.

Tabata e partido mas anticipa di Dia 1 na e prome torneo mayor di tennis di e decada, y no a desapunta. E prome set, den particular, tabata interesante, cu Gauff varios biaha logrando un bentaha, pa despues Williams – kende ya a gana cuatro di su shete trofeonan Grand Slam singles pa ora su oponente a nace – a iguala.

Tabata te e di cuatro set point cu Gauff finalmente a logra. El a tuma e bentaha 3-0 den e di dos y no a laga bay mas.

E partido a tuma luga riba Margaret Court Arena, un di e tres stadion cu un dak retractabel, y esey tabata bon. Calidad di aire tabata ok, pero un tormenta pisa cu a yega den atardi a suspende nuebe partido den canchanan pafo cu tabata andando y a pospone mas di 20 otronan por completo, creando un schedule preta pa awe. E cuminsamento lo ta mey ora mas trempan, y tres cancha tin programa di shete partido.

Entre e hungadonan cu a haya un chens pa hunga – y gana – tabata Serena Williams, 23- biaha campeon di major, kende a logra locual su ruman no por a: derota un adolescente. Serena a tuma e ultimo tres game di e partido, y a declara cu un hari: “Mi a cuminsa bon awe. Caba bon.” Su trofeo major mas recien tabata na Australia na 2017; esey tambe tabata su ultimo titulo di cualkier campeonato te cu e luna aki, ora el a gana un tuneup na Auckland, New Zealand.

Gauff y Venus a combina pa mas eror no forsa (71) cu winners (42). Un clave tabata cu Williams a caba cu 41 di e erornan aki, 11 mas cu Gauff. Otro tabata cu Gauff tabata miho den serve cu su oponente e dia aki. No unicamente Gauff a enfrenta solamente dos break points, save un, pero a entrega durante e momentonan mas crucial, cu un ace na 115mph, of cu un segundo serve riesgoso na velocidad halto.

Gauff tin rango No. 67, y Williams, anteriormente No. 1, tin No. 55. Williams tabata hungando den un main draw di torneo Grand Slam pa di 85 biaha, un record den era profesional, pero tambe su prome partido di 2020, pa motibo di un lesion di heup.

“Mi ta kere mi a realisa cu mi mester hunga mi wega, no worry kico hende ta pensa di mi”, Gauff a bisa.

LEAVE A REPLY

Please enter your comment!
Please enter your name here