Como ultimo e revista deportivo France Football a anuncia e nominacionnan pa e Ballon d’Or Dream Team den categoria di atacante. Entre nan tin cuatro Hulandes: Johan Cruijff, Marco van Basten, Dennis Bergkamp y Arjen Robben. En total tin diesdos Hulandes entre e nominadonan.  

E revista FrancesFrance Football desde 1956 cada aña ta otorga e ‘Ballon d’Or’ na e mihor futbolista di aña, pero na 2020 a keda sin otorga e premio pa motibo cu e competencianan a sufri asina hopi contratiempo di e pandemia di coronavirus. Na su lugar France Football a bay en busca di e equipo idoneo, e ‘Ballon d’Or Dream Team’ cu ta sali di e preferencia conhunto di 170 periodista di henter mundo. Nan lo vota riba e nominadonan, y despues lo scoge un equipo, e Dream Team, den un line-up di 1-3-4-3. Segun e revista no ta trata di cuanto premio un hungador a gana, sino di su talento, clase y influencia den futbol.

A selecta caba 10 portero, 30 defensa, 20 volante defensivo y 20 volante atacante y tabata falta e atacantenan pa nomina. Entre e Hulandesnan nomina tin ocho Hulandes: portero Edwin van der Sar, defensanan Wim Suurbier, Ronald Koeman y Ruud Krol; Clarence Seedorf, Frank Rijkaard y Johan Neeskens como volante defensivo y volante atacanteRuud Gullit. Arjen Robben, nomina pa atacante banda drechi, tin competencia di Lionel Messi, George Best y Kevin Keegan.
Manera anticipa, leyenda di Real Madrid Iker Casillas ta riba e lista di portero, hunto cu Peter Schmeichel, Edwin van der Sar, Manuel Neuer, Gordon Banks, Gianluigi Buffon, Thomas Nkono, Lev Yashin, Dino Zoff y Sepp Maier. Na december lo anuncia e Dream Team di tur tempo.

LEAVE A REPLY

Please enter your comment!
Please enter your name here