Roger Federer ta lidera e ranking anual di Forbes pa atletanan mas paga, cu locual e revista ta bisa ta un total di $106.3 miyon di entrada.

E ta e prome tenista pa ta den cumbre di e lista desde cu a compila esaki pa prome biaha na 1990.

E ganado di e record masculino di 20 titulo singles Grand Slam a ricibi $6.3 miyon di placa di premio di tennis, cu e resto di entrada biniendo di pago pa promocion y presentacionnan, segun Forbes.

Streanan di futbol, Cristiano Ronaldo, Lionel Messi y Neymar a tuma e puestonan 2, 3 y cuatro respectivamente, cu LeBron James, Stephen Curry y Kevin Durant di NBA na posicionnan 5-7, sigui pa Tiger Woods na number 8.

Hungadonan di NFL, Kirk Cousins y Carson Wentz ta completa e top 10.

Dos muhe tabata den top 10, ambos tenista. Naomi Osaka tabata na number 29 despues di pone e record pa un atleta femenino cu ganashi di $37.4 miyon durante ultimo 12 luna. Serena Williams tabata number 33 cu $36 miyon.

LEAVE A REPLY

Please enter your comment!
Please enter your name here