Atacante di Real Madrid Gareth Bale ta programa pa bula pa Inglatera awe pa completa su regreso pa Tottenham Hotspur.

Ta negociando ainda e deal cu mester haci posible cu e hungador naci na Wales, di 31 aña, lo bolbe cerca e club di unda el a bay Real Madrid den un di e contractnan mas caro di tur tempo. E platicanan entre e clubnan ta porgresando positivamente y si nan caba den mesun ambiente, Bale lo biaha pa Londres.

“Te ora mi tende cu Bale ta un hungador di Tottenham, mi ta sinti y ta pensa y ta respeta e hecho cu e ta un hungador di Real Madrid,” hefe di Spurs Jose Mourinho a bisa.

“Mi no ta bay comenta tocante un hungador di Real Madrid,” Mourinho a añadi despues cu su equipo a derota Lokomotiv Plovdiv den Europa League ayera.

Bale, segun cu a comprende lo a train su so na sede di Real diahuebs mientras e tabata spera resultado di e negociacion.

Ta anticipa tambe cu e defensa di Real Madrid Sergio Reguilon lo completa su transfer pa Tottenham awe, diabierna. E hungador di seleccion Spaño di 23 aña a hunga ultimo temporada na Sevilla, ganando Europa League cu nan.

Bale a cuminza cu Spurs saliendo di Southampton na 2007 pa despues bay pa e gigante Spaño pa e contrato record mundial na 2013 di mas di 100 miyon euro.El a score mas di 100 gol pa Real y a gana cuatro titulo di Champions League.

Agente di Bale, Jonathan Barnett, a conta BBC Wales Sport cu e negociacion tabata “progresando poco poco”. Barnett: “Gareth ta mas cerca di un salida di Real Madris cu na cualkier momento den ultimo siete aña.”

LEAVE A REPLY

Please enter your comment!
Please enter your name here