Stadium seats are empty during the pro volleyball V-league between OK Savingbank Rush&Cash and KB Insurance Stars in Ansan, South Korea, Wednesday, Feb. 26, 2020. The volleyball game held without spectators as a precaution against the COVID-19. (Hong Ki-won/Yonhap via AP)

Un di e companianan mas grandi cu derecho di transmision pa Olimpiada, gigante di media Discovery Inc., a bisa ayera cu tin seguro pa protege su mes di perdida di entrada si Olimpiada no bay door. E compania a discuti e prospecto di cancelacion di e weganan durante un earnings call pa sigura inversionista.

“Nos ta sigui traha hopi di cerca cu IOC y sigui nan liderazgo”, segun Jean-Briac Perrette, presidente di Discovery International. “Si e evento no tuma luga … no lo tin impacto adverso riba nos finanzas.”

E siman aki, veterano di Comite Olimpico Internacional (IOC), Dick Pound a adverty cu Olimpiada di Tokyo por ser cancela pa motibo di coronavirus, bisando cu lo mester tuma un decision pa fin di mei.

Discovery ta bisa cu ta den contacto cu Organisacion Mundial di Salud (WHO) como tambe organisadonan Olimpico.

E impacto di COVID-19 ya ta visibel den sport na Asia, cu un aumento di eventonan posponi expandiendo for di China, unda e brote a cuminsa, na Sur Korea y Hapon. E tres liga mas grandi di futbol na Asia a bay den break, mientras gobierno di China, Sur Korea y Hapon ta purba contene e daño di e virus cu ta expandiendo lihe.

Liga di baseball profesional di Hapon ta bisa cu lo hunga su 72 wega restando den preseason den stadionnan bashi pa motibo di menasa di plama e virus. E temporada regular tin apertura programa pa dia 20 di maart.

Liga top di futbol na Hapon, J-League, a stop tur competencia te cu dia 15 di maart. E anuncio aki a yega menos di un siman despues cu autoridadnan Sur Koreano a pospone cuminsamento di temporada di K-League, cu a yega despues di suspension di e lucrativo Super League Chines. E temporada di basketball domestico Sur Koreano lo termina su weganan sin fanatico.

Competencia continental ta interumpi, cu clubnan Chines exclui for di cuminsamento di e competencianan incluyendo e Asian Champions League di Confederacion di Futbol Asiatico. Otro paisnan na Asia a nenga di permiti teamnan Chines pa drenta, of a pone team deportivo Chines den cuarentena.

Ayera, cuerpo gobernante di Super Rugby a bisa cu un partido entre Brumbies basa na Australia y Sunwolves di Hapon, programa pa dia 6 di maart na Osaka, probablemente lo ser reubica. Si esey no ta posibel, e teamnan lo ricibi dos punto di competencia cada un, comosifuera e partido a empata.

Hong Kong Sevens, e evento anual resaltando di competencia global rugby sevens, a ser posponi pa mas laat den e aña. Eventonan mayor na China, incluyendo Grand Prix di Formula Uno y e campeonato indoor track and field, tabata entre e promenan cu a keda posponi.

LEAVE A REPLY

Please enter your comment!
Please enter your name here