Czech Republic's Alex Kral celebrates after scoring his side's second goal during the Euro 2020 group A qualifying soccer match between Czech Republic and Kosovo in Pilsen, Czech Republic, Thursday, Nov. 14, 2019. (AP Photo/Petr David Josek)

Inglatera a clasifica cu estilo pa e Campeonato Europeo 2020, mientras Republica Checo, Francia y Turkia tambe a reserva nan luga ayera pa e torneo proximo aña.

Inglatera mester a solamente empata pa clasifica, pero Harry Kane a anota un hat trick den un victoria 7-0 contra Montenegro, y Republica Checo tambe a avansa di Grupo A derotando Kosovo 2-1.

Cristiano Ronaldo tambe a anota un hat trick den e victoria 6-0 di Portugal contra Lithuania, pa tene e campeon defensor den e competencia pa un di e top2 luga den Grupo B.

E empate di Iceland cu Istanbul ya caba a sigura cu Francia y Turkia a avansa di Grupo H.

Heroe di Hat Trick.
Tur tres gol di Kane a yega den prome mita di e di mil partido di Inglatera, mientras e delantero di Tottenham a converti den e prome hungado pa anota un hat trick den presentacion consecutivo na Wembley – despues di a anota contra Bulgaria na september.

E nochi conmemorativo a keda completa pa e prome gol di Tammy Abraham pa Inglatera, seis minuut faltando.

Alex Oxlade-Chamberlain a anota e gol di apertura den minuut 11, y Marcus Rashford tambe a anota den e prome mita, pa duna Inglatera un bentaha 5-0 pa medio tempo.

Despues di un inundacion di gol den prome mita, e net di Montenegro a ser alcansa despues di e break pa e auto-gol di Aleksandar Sofranac y Abraham den minuut 84.

Inglatera lo ta bek na Wembley na e final, cu tres wega di etapa di grupo na e stadion nacional, cual ta un di e 12 sitio uza pa UEFA na 12 ciudad rond Europa. E semifinal tambe ta na Wembley na juli 2020.

Republica Checo mester a gana pa uni Inglatera, pero a haya un susto ora Atdhe Nuhiu a lidera Kosovo na un bentaha sorpresa cinco minuut despues di break. Pero Alex Kral a logra un empate bello den minuut 71, y Ondřej Čelůstka a anota locual a converti den e gol crucial pa e Checonan ocho minuut despues.

Ronaldo.
Cristiano Ronaldo no a anota den su ultimo tres partido di club despues di a hunga cu un lesion di rudia. Pero e delantero di Juventus a mustra tiki señal di algun problema, mientras el a sali na ayudo di su pais ayera, alcansando 98 gol nacional den e proceso.

Tabata e di 9 hat trick di Ronaldo cu Portugal, y e di 55 di su carera pa club y pais. E tin 10 gol den shete partido di clasificacion.

Pizzi Fernandes, Goncalo Paciencia y Bernardo Silva tambe a anota pa Portugal, cu por clasifica cu un victoria den su ultimo partido di Grupo B diadomingo awo na Luxembourg.

E encuentro contra Lithuania den ultimo luga a duna Portugal 14 punto, cinco menos cu e lider di e grupo Ucrania – cu ya a clasifica – y un punto mas cu tercer luga Serbia, cu a vence Luxembourg 3-2.

Francia ta gana.
Iceland mester a vence lider di Grupo H, Turkia, pa keda den e competencia pa un espacio directo den e torneo otro aña, pero a empata 0-0.

Hordur Magnusson a yega cerca pa Iceland, ocho minuut faltando, pero su esfuerso for di skina a ser blokea riba e linea pa defensa Turco, Merih Demiral.

E resultado a nifica cu Francia ya a clasifica prome cu su victoria 2-1 contra Moldova.

Vadim Rata a manda Moldova den un bentaha sorpresa na minuut 9, pero Raphael Varane a empata den minuut 35, y Olivier Giroud a converti un penalty 11 minuut faltando.

Ademas, Albania a empata 2-2- na cas contra Andorra, cu no a anota ningun gol leu di cas den un partido competitivo den mas cu nuebe aña.

 

LEAVE A REPLY

Please enter your comment!
Please enter your name here