NFL Commissioner Roger Goodell, left, and Jay-Z appear at a news conference at ROC Nation on Wednesday, Aug. 14, 2019, in New York. A day after Jay-Z announced that his Roc Nation company was partnering with the NFL, the rap icon explained that he still supports protesting, kneeling and NFL player Colin Kaepernick, but he's also interested in working with the league to make substantial changes. (Ben Hider/AP Images for NFL)

Un dia despues cu Jay-Z a anuncia cu su compania, Roc Nation, tabata partner cu NFL, e icono di rap a splica cu ainda e ta sostene protesta di hungado di NFL Colin Kaepernick, pero tambe e tin interes pa traha cu e liga pa logra cambionan substancial.

E entrepreneur a responde preguntanan diaranson na e sede di su compania na New York, hunto cu comisionado di NFL, Roger Goodell. Contestando directamente si e lo para of hinca rudia, Jay-Z a bisa: “Mi ta kere nos a move mas aya di rudia.”
El a agrega: “Mi ta kere tur hende sa kico e problema ta – nos a caba cu esey”, el a añadi. “Kico nos ta bay haci awo? Con nos ta bay stop e problema?”

Jay-Z ta entre e sostenedonan mas grandi di Kaepernick, kende a causa conmocion den NFL ora el a dicidi di hinca rudia durante himno nacional prome cu weganan, como protesta pa asesinato di hende color scur den man di polis. Algun a yam’e anti- patriota, y e no a hunga pa NFL desde cu el a sali di su contract cu San Francisco 49ers na 2017. E aña aki, NFL a yega na un acuerdo den un demanda di Kaepernick y Eric Reid acusando e doñonan di team di colusion pa tene nan fuera di e liga. Reid a critica e acuerdo di nobo di Jay-Z.

Jay-Z a bisa cu no a involucra Kapernick den e acuerdo nobo pasobra ‘mi no ta su hefe. Mi no por djis hink’e den algo. E mester dicidi’. El a bisa cu a papia cu Kaepernick di e acuerdo, pero no a duna detaye di e combersacion.

Kaepernick no a comenta tocante e acuerdo, pero a tweet tocante su trabou di husticia social diaranson. “Awe ta e di tres aniversario di e prome biaha cu mi a protesta opresion sistemico. Mi ta sigui traha y para cu pueblo den nos lucha pa liberacion” el a skirbi.

NFL y e compania di representacion di sport y entretenimento di Jay-Z a anuncia diamars cu nan ta uni pa eventonan y activismo social, un acuerdo cu Jay-Z a bisa a dura shete luna pa crea. NFL lo traha cu Roc Nation pa yuda su iniciativa di Inspire Change, crea pa e liga despues di un acuerdo cu un coalicion di hungadonan kende a demostra durante himno nacional pa protesta inhusticia social den e pais. E demostracionnan ey a cuminsa cu Kaepernick hincando rudia durante himno nacional na 2016.

 

LEAVE A REPLY

Please enter your comment!
Please enter your name here