Diadomingo ultimo Jayroy Aparicio, y su ekipo U9 di Feyenoord ta participa na un torneo organisa na NEC Nijmegen. Cual torneo ta yama Clash of Clubs cual mayoria club profesional di Hulanda, Belgie y algun di Inglatera a participa.

Entre e ekiponan participante tabata tin Ajax, Utrecht, Sparta, Vitesse, Pec Zwolle, Feyenoord, De Graafschap. Luton Town( Inglatera) ,Genk (Belgie) Club Brugge y hopi otro ekipo mas.

E Torneo a dura henter un dia unda na final e ekipo di Jayroy y Feyenoord U9 a enfrenta e rival eterno Ajax U9. Mester bisa cu Jayroy y su ekipo Feyenoord U9 ta gana nan rival mas grandi  na Hulanda cu un score abulta di 6 – 0.

Mester bisa cu den e prome ronda ainda Feyenoord ta perde 2 – 4 di Ajax pero door di a gana entre otro Club Brugge (1-0), Sparta (5-0) en Allemania Aachen (7-0), Feyenoord ta logra e kwart final. Aki Jayroy su team ta gana 2-0 di  STVV di Belgica na unda Roda JC tabata warda den e semi final.

Pero Jayroy y su ekipo Feyenoord tabata simplemente dicidi y ta gana Roda JC cu e score di 7 – 1. Mester bisa den e wega semi final contra di Roda Jc, Jayroy ta score un Hattrick pa manda su ekipo hunga e final contra Ajax U9.

Ta bon pa bisa cu Jayroy y Feyenoord a crece durante e torneo y a cuminsa hunga un tremendo futbol cu bon combinacion. E golnan a cay na momento oportuno y e dominio riba mayoria rival tabata bisto.

LEAVE A REPLY

Please enter your comment!
Please enter your name here