Durante fin di siman a tuma luga Life Time Miami Marathon 2020. E atleta elite Lana ta bira e prome coredo Arubano cu ta logra gana un Marathon den exterior. Lana ta termina den un tempo di 2:54:14. Lana su split na casi half esta 20km tabata 1:21:01.

Mester bisa acerca cu esaki ta e 3rd Patrishi International Initiative hunto cu Jay’s Tire Shop, cual sin duda ta un oportunidad unico pa nos coredonan midi forsa contra esunnan den exterior.

Pa clarificacion, tin un categoria Elite cu inclui tur e profesional di cual un persona di Peru a gana. Ademas tin e categoria general di cual Lana Gobert cu no ta un Elite (profesional) a gana y alabes si compara tempo, e lo ta di dos den e categoria di Elite tambe.

Coredo Alexander Hodge ta logra un di 4 luga overall den 42km Life Time Miami Marathon. Alex ta marca un tempo di 2:37:36 cu un split na 20km di 1:10:49. Ambos coredo ta core e 42km.

Team di Brandweer tambe a participa na e Life Time Miami Marathon. E coredor Chamir Boekhoudt ta sali di 3 luga den su age category den e Tropicsl 5km.

E coredo Meggie Banwarie ta logra un di 3 luga overall den e Life Time Miami Tropical 5K Run mientras Jouraima Koolman-Ras ta logra un di 5 luga overall.

Meggie ta marca un tempo di 20:16 minuut. E tambe ta bini di e team Train Hard Race Easy. Un otro comedo femenino cu tambe a logra un tremendo papel ta Jouraima Koolman-Ras den su prome international race unda e ta logra un di 2 luga den su Age Category 30-34 y un di 5 luga overall overall female. Jouraima ta marca un tempo di 20.50 minuut.

Notable ta cu Diangelo Koolman ta logra un di 5 luga den su Age Category 30-34 marcando un tempo di 19.25 minuut.

Sharlaine fitchick Hart ta logra un prome luga den su categoria den e Life Time Miami Tropical 5k run. Sharlaine como parti di e ekipo di Train Hard Race Easy a core e 5km den un tempo di 21:53 minuut bon pa un prome lugar den e categoria 35 – 39 aña. Mester bisa cu su pareha Dayron Solognier ta logra un tempo di 18:55 minuut

 

LEAVE A REPLY

Please enter your comment!
Please enter your name here