Referee Anthony Taylor, 2nd left, gestures while players wait for the VAR decision on Liverpool's opening goal during the English Premier League soccer match between Liverpool and Wolverhampton Wanderers at Anfield Stadium, Liverpool, England, Sunday Dec. 29, 2019. (AP Photo/Jon Super)

Liverpool a extende su racha invicto na cas den Premier League na 50 wega cu un victoria 1-0 riba Wolverhampton den un partido ayera unda revision di video a bay den fabor di e lider di e liga.

E banda di Jurgen Klopp ta 13 punto riba Leicester na di dos luga, y 14 dilanti di campeon defensor Manchester City, despues di hunga un wega menos cu ambos rival.

Gol di Sadio Mane den minuut 42 tabata permiti despues cu VAR a rechasa un handball di Adam Lallana, y un empate pa Wolves di Pedro Neto den prome mita di tempo extra no tabata permiti pasobra VAR a revela tabatin un offside net prome.

Coach di Wolves, Nuno Espirito Santo tabata confundi pa e decisionnan. “Anfield ta tremendo, pero nan ta celebrando un no-gol. Esaki no tin sentido. E refereenan mester sostene nan decision”, el a bisa.

Ta e segundo biaha den historia cu Liverpool a bay 50 wega di liga na cas invicto den division top, logrando un racha di 63 wega entre 1978 y 1980.

Chelsea ta e unico otro team cu a alcansa e marca den pasado, cu un racha impresionante di 86 wega sin perde na Samford Bridge, entre 2004 y 2008.

Liverpool tambe a caba un aña di kalender invicto na cas den tur competencia pa di cinco biaha, despues di haci esaki na 1893, 1979, ’80 y ’90 – e aña den cual a gana e ultimo di su 18 titulo di liga.

E ultimo derota di Liverpool na cas den e liga tabata contra Crystal Palace na april 2017. Pero Klopp ta purbando di preveni fanaticonan di emociona demasiado. “Ken ta worry cu punto na december?” el a bisa. “Nos a djis crea un base riba cual nos lo traha for di awo.”

E campeonnan di Champions League y Club World Cup tabata mustra cansa despues di un schedule druk recientemente.

LEAVE A REPLY

Please enter your comment!
Please enter your name here