Real Madrid's goalkeeper Thibaut Courtois, centre, makes a safe during the round of 16 first leg Champions League soccer match between Real Madrid and Manchester City at the Santiago Bernabeu stadium in Madrid, Spain, Wednesday, Feb. 26, 2020. (AP Photo/Bernat Armangue)

Cu dos gol den cinco minuut, Manchester City a bolter e wega riba Real Madrid y a mehora su chens di finalmente gana un elusivo titulo di Champions League mientras ainda por.

Gabriel Jesus a anota e gol di empate den minuut 78 y Kevin De Bruyne a anota un gol ganado den minuut 83 for di spot di penalty, mientras Manchester City a bin di patras pa un victoria 2-1 contra Madrid den e prome leg di e ronda di 16 na Stadion Santiago Bernabeu ayera.

City ta hungando probablemente su ultimo Champions League prome cu sirbi un suspension di dos aña di UEFA riba tur competencia Europeo, pa motibo di violacion di regulacion financiero y fayo di coopera cu investigadonan. E club ainda no a gana un titulo Champions League a pesar di e gastonan ppisa cu a yud’e gana dos corona Premier League consecutivo bou Pep Guardiola, y a ser elimina pa Tottenham den cuart final aña pasa.

Francisco ‘Isco’ Alarcon a efectua e gol di apertura den minuut 60 pa Madrid, cu a hunga e minuutnan final sin defensa Sergio Ramos despues cu el a ricibi un carchi cora pa un foul pa stop un breakaway den minuut 86 di Jesus.

“E ultimo dies minuut ey a cambia e wega”, segun coach di Madrid, Zinedine Zidane.

E encuentro di retorno lo ta na Inglatera dia 17 di maart proximo.

“Contento pa e victoria, claro, pero tambe pa e prestacion”, Guardiola a bisa.

Historicamente, Madrid a prospera na Bernabeu den Champions League, pero a gana apenas tres di su ultimo 10 partido Europeo na e stadion, empatando tres y perdiendo cuatro. A keda elimina pa Akax den ronda di 16 aña pasa despues di un perdida 4-1 na cas. Esey a marca e prome biaha desde 2009-10 cu e poder Spaño no a logra alcansa sikiera e semifinal.

Tabata e di tres setback consecutivo pa Madrid, biniendo di un empate y un perdida den Liga Spaño, resultadonan cu a pone e team tras di Barcelona den cumbre di Liga Spaño.

Manchester City a entrega un apelacion contra e suspension di UEFA na e Corte di Arbitrahe pa Sport, pero si e castigo di UEFA keda, City no lo ta bek den Champions League te cu temporada 2022-23.

Guardiola a bisa cu e no ta usando e prohibicion pa motiva su hungadonan e temporada aki. “Nos no por controla locual ta pasa pafo di e cancha, nos por unicamente controla locual ta pasa riba e cancha”, el a bisa.

 

LEAVE A REPLY

Please enter your comment!
Please enter your name here