FILE - In this June 11, 2019, file photo, a man walks past the logos of the Tokyo 2020 Paralympics and Olympics in Tokyo. On Thursday, Dec. 12, 2019, the International Paralympic Committee confirmed the Paralympic marathons are staying in Tokyo, unlike the marathons for the Olympics, which have been moved north to the cooler city of Sapporo. (AP Photo/Jae C. Hong, File)

A diferencia di marathon Olimpico, cual a bay na e ciudad fresco di Sapporo, e marathon Paralimpico ta keda na Tokyo.

Presidente di Comite Paralimpico Internacional, Andrew Parsons a confirma esaki ayera mientras organisadonan di Olimpiada di Tokyo a completa reunion di planeamento cu IPC.

Parsons a bisa cu data ta mustra cu calor y humedad no lo ta un problema. Paralimpiada ta cuminsa dia 25 di augustus, varios siman despues cu Olimpiada conclui dia 9 di augustus. Parsons a enfatisa cu atletanan no kier a bay for di Tokyo pa motibo di logistica cu otro eventonan.

Marathon Paralimpico lo tuma luga dia 6 di september, e ultimo dia di Paralimpiada. Parsons ta spera cu e carera por duna inicio na un fiesta riba caya pa celebra e shete aña cu Tokyo a tuma pa prepara tanto Paralimpiada como Olimpiada.

Cinco marathon ta tuma luga riba e dia final, cu e prome cuminsando pa 6:30am ora local. E triathlon tambe a move un ora mas trempan, for di 7:30am pa 6:30am dia 29 y 30 di augustus.

E decision pa tene e marathon den capital Hapones lo ta na agrado di gobernador di Tokyo, Yuriko Koike, kende a opone amargamente e movida di marathon Olimpico pero a ser domina pa Comite Olimpico Internacional.

Parsons anteriormente a anuncia cu tin un record di 3.1 miyon di peticion pa ticket di Paralimpiada – mas cu e 2.3 ticket disponibel. Awo e ta buscando otro cos sin precedente – un sellout prome cu e weganan cuminsa.

“Tin un oportunidad berdadero aki pa Tokyo bira e prome den historia di Paralimpiada pa sellout prome cu ceremonia di apertura”, Parsons a bisa.

 

LEAVE A REPLY

Please enter your comment!
Please enter your name here