FILE - In this Nov. 4, 2018, file photo, Mary Keitany, of Kenya, crosses the finish line to win the women's division of the New York City Marathon in New York. Keitany is back for another bolt through the boroughs. Facing a thin field, she’s eyeing another first-place finish.(AP Photo/Seth Wenig, File)

Mary Keitany ta bek pa core un biaha mas. Enfrentando un campo chikito, e Kenyano di 37 aña di edad lo purba haya su di cinco titulo den seis aña na e New York City Marathon mañan.

Aña pasa el a caba 17 seconde for di e record di e pista. Otro victoria ainda lo lag’e tras di Grete Waitz cu su record di nuebe titulo na New York. “Lo ta hopi bon pa m mira si mi por purba alcanc’e”, Keitany a bisa.

E lo ta sigui pa casi 52mil coredo un aña despues di un record mundial di marathon, 52.813 coredo a crusa e linea final den Central Park despues di core a traves di New York.

Ta un ruta domina pa Keitany desde su prome victoria na 2014. El a sigui cu dos titulo consecutivo, incluyendo un conkista dominante na 2016 ora el a gana pa mas di 3 seconde y mey.

El a baha velocidad na 2017, habriendo caminda pa Shalane Flanagan converti den e prome muhe Mericano pa gana na New York desde Miki Gorman na 1976-77, pero a bolbe e aña siguiente cu su tempo pas lihe, den 2 ora 22 minuut y 48 seconde – no mucho leu di e record di Margaret Okayo di 2:22.31 na 2003.

Sinembargo, pa Keitany e prioridad ta e carera, no e record. “Mi no ta bisando cu mi no ta bay core contra tempo”, el a bisa. “Pero mi ta cla pa defende mi titulo.”

Si un hende pusha Keitany, lo ta e coredo Etiopi, Ruti Aga. E ta un coredo cu ta finalisa den top 2 na cuater maraton mayor, incluyendo un victoria na Tokyo e aña aki. Su miho tempo personal ta 2:18.34 na Berlin na 2018; e miho tempo personal di Keitany tabata un record e tempo ey na 2:17.01 na London na 2017. Ningun otro persona den campo femenino a logra menos di 2:22.

“Mi sa cu mi no ta mi so”, Keitany a bisa. “Pa mi, mi no tin presion. Mi ta cla pa core mi propio carera.”

 

LEAVE A REPLY

Please enter your comment!
Please enter your name here