Barcelona's soccer player Lionel Messi holds the trophy of the Golden Ball award ceremony in Paris, Monday, Dec. 2, 2019. Messi won the Ballon d'Or for sixth time. (AP Photo/Francois Mori)

Despues di converti den e prome seis-biaha ganado di Ballon d’Or, Messi a bisa cu e ta leu di keda cla.

“Mi ta spera di continua pa un tempo largo”, Messi a bisa ayera na Paris, patras di un fila di trofeo cu ta honor e miho hungado di futbol di mundo. “Mi ta consciente cu mi tin hopi suerte, hasta si un dia, retiro lo yega. E lo ta dificil. Pero ainda mi tin cantidad di bon aña mi dilanti. Tempo ta pasa lihe, pues mi kier disfruta futbol y mi famia.”

Mientras cu Messi, di 32 aña di edad a gana su di seis Ballon d’Or, capitan di Merca, Megan Rapinoe a gana su prome.

“Mi no por kere cu mi ta esun ganando den esaki, tabata un aña increibel”, Rapinoe a bisa den un mensahe graba riba video durante e ceremonia na Theatre du Chatelet.

Anteriormente, Messi a ricibi e Ballon d’Or na 2009, 2010, 2011, 2012 y 2015.

Defensa di Liverpool, Virgil van Dijk tabata na di dos luga den encuesta e aña aki, sigui pa Cristiano Ronaldo, kende tabata comparti e record di cinco Ballon d’Or cu Messi te cu ayera.

Aña pasa, Luka Modric a caba cu e dominio di 10 aña di Messi y Ronaldo riba e premio, organisa pa e revista France Football.

Pero Messi tabata bek den cumbre di su deporte durante ultimo 12 luna. El a anota 36 biaha ultimo temporada na caminda pa un di 10 titulo di Liga Spaño, y tabata e mas grandi anotador den Champions League. Su golnan den Liga tambe a hacie e anotador di mas grandi den e liganan mayor Europeo, otorgando p’e e premio Golden Shoe.

“Algun aña atras, mi a ricibi mi prome Ballon d’Or aki na Paris”, Messi a bisa. “Mi tabatin 22 aña di edad. E tabata algo impensabel e tempo ey. Awe ta mi di seis Ballon d’Or. Manera mi casa tabata bisa, bo nunca mester stop di soña, pero semper traha pa mehora y sigui disfruta.”

E Argentino no a mustra ningun señal di baha velocidad desde cuminsamento di e temporada Europeo nobo, marcando su di 700 wega cu Barcelona siman pasa, cu un gol y dos asistencia den nan victoria 3-1 contra Borussia Dortmund. Te awo e aña aki, Messi tin 41 gol den 44 wega.

Messi tambe a gana su di seis premio FIFA na september, sobrepasando Van Dijk, kende a perde e chens di bira e prome defensa pa gana e encuesta di France Football desde e campeon di Mundial, capitan Italiano, Fabio Cannavaro na 2006.

Van Dijk a tuma e corona di Champions League cu e Reds despues di oblitera e Barcelona di Messi den semifinal.

“Ta un aña tremendo. Mi tabata cerca, pero desafortunadamente tin algun hungado manera [Messi]. Mi ta hopi orguyoso”, Van Dijk a bisa.

E tabata entre shete hungadonan di Liverpool nomina, ademas di portero Alisson Becker, defensa Trent Alexander-Arnold, centrocampista Georginio Wijnaldum y delanteronan Mohamed Salah, Sadio Mane y Roberto Firmino.

Rapinoe a gana e Ballon d’Or femenino pa lidera Merca na gloria den Mundial na juli. El a anota seis gol den e campeonato, cu cual el a gana tambe e Golden Boot como e anotado top y e Golden Ball como e hungado top. “Mi ta asina tristo cu mi no por t’ey awe nochi”, Rapinoe a bisa den e video. “Mi lo haci mi best pa t’ey otro aña.”

Revista France Football ta otorgando e premio Ballon d’Or desde 1956 y a crea un premio femenino pa prome biaha aña pasa, ora Ada Heferberg di Noruega a gana esaki. Hegerberg tabata na di cuater luga e biaha aki. Lucy Bronze di Inglatera tabata na di dos luga, y Alex Morgan di Merca na di tres.

Defensa di Juventus, Matthijs De Ligt a gana e trofeo Kopa pa e miho hungado bou 21 aña, y e trofeo Yashin inaugural, duna na e miho portero di aña a bay na Alisson di Liverpool.

LEAVE A REPLY

Please enter your comment!
Please enter your name here