Durante e ceremonia di apertura di e weganan Olimpico den zomer di 2020 na Tokyo, exactamente 1 aña despues di diaranson, a mustra mundo e medayanan traha pa e deportistanan cu lo bay gana nan, cual ta traha di 80 mil ton di desperdicio electronico di telefon y otro tipo di electronico.

E proyecto pa medaya di Tokyo 2020 tabata esun cu a colecta e 80 mil ton di telefon y otro electronico chikito rond Hapon cual nan lo uza pa crea cada medaya di oro, plata y brons cu lo otorga na e deportistanan cu tuma parti cu weganan Olimpico y Paralimpico. Nan ta premira di parti un total di 5 mil medaya durante ambos competencianan, segun Tokyo 2020. Segun e proyecto su website nan a colecta mas cu 6 miyon celular.

Danki na e campaña pa colecta cu a dura 2 aña, Tokyo a anuncia cu 100% di e metalnan cu a uza pa traha e medayanan lo bin materialnan haya den telefon y demas electronico cu publico a regala e campaña.Casi 72 miyon kilo di electronico nan a rebaha na 35 kilo di oro, 3493 kilo di plata y 2200 kilo di brons. Despues di un proceso di desmantela, extrai y refina e metalnan, nan ta bay ta uza pa crea e diseñonan di diseñado di medaya Olimpico Junichi Kawanishi, kende a haya e oportunidad despues di a gana e competencia cu Tokyo 2020 a organisa, generando mas cu 400 entrada. E organisadonan di e proyecto ta spera cu e campaña nacional pa busca electronico pa recicla lo yuda cu e utilidad di e weganan Olimpico pa en bes di genera sushi, limpia. Esaki ta pa via cu weganan Olimpico den ultimo añanan ta conoci pa crea proyecto y edificio den pura pa ora e weganan yega, cual despues ta laga stadionnan gigantesco completamente abandona.

 

LEAVE A REPLY

Please enter your comment!
Please enter your name here