Liverpool supporters celebrate as they gather outside of Anfield Stadium in Liverpool, England, Thursday, June 25, 2020 after Liverpool clinched the English Premier League title. Liverpool took the title after Manchester City failed to beat Chelsea on Wednesday evening. (AP photo/Jon Super)

Advertiendo tocante e menasa continuo di pandemia di coronavirus, polis a critica fanaticonan di Liverpool pa bay fiesta riba caya den nan miles pa celebra e fin di 30 aña di secura di titulo di e club.

Fanaticonan a cende klapchi y luznan cora pafo di Anfield diahuebs anochi despues di e victoria 2-1 di Chelsea contra Manchester City na London, cu a sigura e trofeo di Premier League pa Liverpool cu shete wega faltando.

“E gran mayoria di fanatico a reconoce e hecho cu awo no ta momento pa reuni pa celebra, y a scoge pa marca e evento di forma sigur”, segun Rob Carden, assistent di hefe di polis di Merseyside. “Nan ta un credito pa e ciudad aki. Desafortunadamente, manera nos a mira durante periodo di lockdown, no tur hende a adheri na e regulacionnan imponi. Maske e gran mayoria di celebracion tabatin bon intencion, un gran cantidad di persona a scoge pa reuni pafo di e stadion.”

Mas di 1,500 persona a muri despues di contrae COVID-19 den region di Liverpool desde maart.

“Den e dianan binidero, nos ta urgi sostenedonan pa haci lo corecto y celebra di forma sigur cu miembronan di bo cas y den bo bubble social”, Carden a bisa. “Haciendo esaki bo ta tene bo mes, bo famia, amigo y bisiñanan safe. Manera nos tur sa, Merseyside a ser afecta desproporcionalmente pa e pandemia y nos mester haci tur loke nos por pa preveni mas caso y morto den nos comunidad.”

Monumentonan rond di e ciudad lo ser cendi color cora pa e proximo siman pa marca e prome titulo Ingles di Liverpool desde 1990.

Joe Anderson, alcalde di Liverpool sostenedo di Everton, a urgi fanaticonan pa adheri na distanciamento social. Samenscholing ainda ta prohibi, incluyendo barnan cu ta cera desde maart, como parti di esfuerso pa contene e transmision di coronavirus.

Jurgen Klopp, e manager Aleman cu a restaura mentalidad victorioso na Liverpool cu su marca di futbol ‘heavy metal’, ya a lidera e club na su di seis titulo Europeo aña pasa. “Si mi purba di cuminsa papia di esaki atrobe mi lo cuminsa yora atrobe y esey no ta hopi bon”, Klopp a bisa. “Mi ta completamente abruma. Mi no sa, ta un mescla di tur cos. Mi ta alivia, mi ta contento, mi ta orguyoso.”

E test di COVID-19 dos bes pa siman cu a permiti reanuda Premier League siman pasa despues di un suspension di 100 dia a permiti Klopp pa join su team pa mira e wega for di Stamford Bridge. “Mi sa ken lo keda cas y mir’e su so lo arepenti pa resto di su bida. Pues nos a bin aki hunto. Ta nos bubble.”

Liverpool a converti den e campeon Ingles mas trempan y mas recien: gana cu e mayor cantidad di wega faltando y pa e fecha mas recien riba kalender.

LEAVE A REPLY

Please enter your comment!
Please enter your name here