Messi ta anota mientras Barcelona ta gana su di 8 wega di liga consecutivo

Barcelona a gana su di 8 wega consecutivo den Liga Spaño, mientras Lionel Messi a anota den un victoria 2-0 contra Girona ayera.

Barcelona a manetene su bentaha di 5 punto riba Atletico Madrid, cu Messi anotando su di 10 gol den shete wega di e liga. El a wordo laga su so pa tira e bala riba e portero, Yassine Bounou, den minuut 69.
E Liga Spaño originalmente tabata kier a hunga e wega na Merca, pero e plan no a bay door. Na luga di biaha 7,500km pa Miami, Barcelona a bay 100km na stadion Montilivi di Girona.

Nelson Semedo a duna Barcelona e liderasgo na e di nuebe minuut, ora cu un bala a cay den su area, y el a uza su pia links pa tira den e post. Pero Girona a para e tiro di Barcelona y a menasa cu empate den varios ocasion, mediante e striker Cristhian Stuani.

E miho oportunidad di Stuani a yega na final di e prome mita, ora Marc-Andre ter Stegen a zak abou pa blokia su tiro. Compañero di ekipo Pere Pons a yega cerca di finalisa e rebote, pero Gerard Pique a blokia su tiro for di e linea. Girona a sigui duna Barcelona problema, te ora coach Ernesto Valverde a cambia Arturo Vidal pa Arthur. Cu Arthur den medio campo, Barcelona a domina. Suarez a hunga Jordi Alba den banda links, unda e defensor a haya Messi na e top cu unicamente Bounou pa vence. Messi a anota e di 19 gol di e temporada.

Messi tabata bek na e ‘starting 11’ di Barcelona despues di a haya descanso den e dos weganan anterior. El a anota como sustituto den un victoria 3-1 riba Leganes weekend pasa, y despues a wordo laga fuera di e ekipo den un perdida 2-0 contra Sevilla den e Copa del Rey.
Esaki tabata e di 8 wega di perdida consecutivo pa Girona.

You May Also Like

Ciclistanan ta duna gobierno nan punto di bista riba fietspad

Gobierno cu ayudo di gemeente Den Haag ta trahando riba un plan integral pa ciclistanan ...

Sharapova fuera di Miami Open despues di operacion di schouder

MIAMI (AP) — Maria Sharapova a bisa cu el a ricibi un ‘procedura chikito’ ...

E bolichero elite di Aruba esta Kamilah Dammers-Naddall lo hunga 4 torneo di PWBA

E bolichera local Kamilah Dammers Naddall a biaha pa Merca unda e lo hunga ...

RCA “Welcome Back Snack” Campeon di Aruba den Junioren

Organisacion Tricolor su “farm system” ta sigui cosecha exito, despues cu dialuna anochi a ...

RCA “Big Wheel Lottery powered by Powerade” ta habri play-off vs Nacional

Soldatnan Tricolor lo ranca sali diasabra pa 8or di anochi den Centro Deportivo Guillermo ...

Georgina Dalrymple ta gana medaya di plata y brons den schaatsen

Recientemente e  atleta Arubano Georgina Dalrymple a participa na European Youth Olympic Festival na ...