Barcelona's Lionel Messi, left, falls in the box next to Dortmund's goalkeeper Roman Buerki during a Champions League group F soccer match between Barcelona and Dortmund at the Camp Nou stadium in Barcelona, Spain, Wednesday, Nov. 27, 2019. (AP Photo/Emilio Morenatti)

Lionel Messi a anota un gol y set up dos mas den su di 700 partido cu Barcelona, pa sigura e club Spaño alcansa e ronda di knockout di Champions League cu un victoria 3-1 contra Borussia Dortmund ayera.

Messi a duna Luis Suarez pa habri anotacion na Camp Nou den minuut 29, prome cu su partner delantero a debolbe e asistencia pa e strea Argentino agrega su propio gol algun momento despues.

Messi a lidera un contra- atake y a hunga cu substituto Antoine Griezmann pa anota, pa pone e resultado leu di duda den minuut 67.

Substituto di Dortmund den mita tempo, Jadon Snacho a anota den minuut 77, y casi a logra un gol mas ora Marc-Andre ter Stegen a pusha su shot den su post.

Ademas di su gol y asistencia, Messi varios biaha a impresiona e publico na cas, regularmente ‘dribbling’ a traves di e defensa sin speransa di Dortmund. Ademas el a yega cerca di un gol mas ora el a manda un tiro liber curva den e bara.

“Den condicion top, Messi ta e miho futbolista cu mi a yega di mira, punto”, defensa di Dortmund, Mats Hummels a bisa.

Messi a eleva su record cu e club na 613 gol, acercando Xavi Hernandez su marca di 767 partido pa e club Spaño. E Argentino tin 114 gol den e torneo di division top di Europa.

Barcelona tin 11 punto den Grupo F, y a sigura puesto top cu un wega faltando. Dortmund tin shete punto, pero ta tras di Inter Milan den diferencia di gol despues cu e team Italiano a gana 3-1 na Slavia Prague. Prague tin dos punto.

Unicamente e top dos team ta avansa. E di tres luga ta bay Europa League.

Team di Ernesto Valverde a extende su record di competencia na 35 partido na cas consecutivo sin derota, bayendo bek na 2013.

LEAVE A REPLY

Please enter your comment!
Please enter your name here