E atleta di natacion Mikel Schreuders a clasifica cu e di 3 miho tempo registra ayera mainta na e Panamericano na Lima Peru y lo ta den e gran final di e 100m.

Ayera den e compleho deportivo La Videna na Lima Peru, e hoben landado Mikel Schreuders a logra drenta den un otro final A pero e biaha aki espectacular unda e ta kibra su propio personal best marcando un tempo di 49.08(marca anterior tabata 49.17) y sali como e number 2 den su heat. Esaki ta segun e fuente 297 Sports.

Na final Mikel ta keda na di 3 luga den 30 landado pa e gran final na unda e lo landa pa medaya den e final A di 100m estilo liber den e Weganan Panamericano Lima 2019. Notabel ta cu Mikel ta laga medayista di Oro den Weganan Olimpico, e mericano Nathan Adrian su tras.

 

LEAVE A REPLY

Please enter your comment!
Please enter your name here