Italian Interior Minister and deputy Premier Matteo Salvini attends a meeting on violence during soccer matches, in Rome, Monday, Jan. 7, 2019. The meeting was scheduled following the death of a Inter Milan fan during clashes with Napoli supporters outside San Siro Stadium ahead of a Serie A game on Wednesday, Dec. 26, 2018. (AP Photo/Andrew Medichini)

Diferente opinionnan a sali afo durante un cumbre di futbol Italiano y lidernan di gobierno ayera, despues di un ola di violencia y racismo durante un wega na Milan luna pasa.

Minister di Interior, Matteo Salvini, a anuncia cu e ta opuesto na suspende weganan pa motibo di gritonan racista, mientras e federacion Italiano di futbol a bisa den un declaracion cu e kier haci e proceduranan di suspension mas cortico y simpel. E wega di dia 26 di december ultimo a keda marca pa gritonan racista contra e defensa di Napoli, Kalidou Koulibaly.

“Suspende weganan pa gritonan ofensivo ta un tereno resbaladiso’, Salvini a bisa. “Nos ta chansa pone e destino di hopi hende den man di un tiki so… Ademas, ta dificil pa haya criterio husto pa e decision.”
E opinion nobo di Salvini ta den oposicion directo na e ‘proceso di tres stap’ di FIFA pa maneha racismo den stadion. E proceso di FIFA ta rekeri pa e referi pausa e wega un momento na e prome indicacion di gritonan discriminatorio, y mester pidi un anuncio riba e sistema di audio di e stadion pidiendo fanaticonan pa stop.

Si e gritonan continua, e referee por suspende e wega y ordena pa e teamnan bay den camerino te ora e stop. Si esey no ta duna resultado, e referee por stop e wega definitivamente. Violencia di fanaticonan tambe a wordo discuti, despues cu un fanatico di Inter Milan a fayece despues di un pelea, ora cu a enfrenta fanaticonan di Napoli bishitando pafo di e stadion San Siro prome cu e wega. Cuater fanatico a wordo aresta pa nan participacion den e violencia, y un di nan a keda acusa di homicidio.

Presidente di federacion di futbol Italiano, Gabriele Gravina, a sugeri mas presencia di agentenan di siguridad na stadionnan, kita barera di fanaticonan, y mas monitoreo di e multitud, cu ayudo di representantenan di fanaticonan. Inter a wordo duna orden pa hunga su proximo dos weganan na cas den un stadion bashi, plus un di tres wega cu un ceramento parcial di San Siro. Fanaticonan di Inter tambe a wordo prohibi di biaha na un wega reciente na Empoli.