FILE - In this Oct. 25, 2017, file photo, the Houston Astros and the Los Angeles Dodgers play in Game 2 of the baseball World Series at Dodger Stadium in Los Angeles. Dodger Stadium’s 40-year wait to host the All-Star Game is going to last even longer. The game scheduled for July 14 was canceled Friday, July 3, 2020, because of the coronavirus pandemic, and Dodger Stadium was awarded the 2022 Midsummer Classic. (AP Photo/Tim Donnelly, File)

Espera di 40 aña pa Dodger Stadium tene e wega All-Star lo prolonga mas ainda. E wega programa pa dia 14 di juli proximo a ser cancela ayera pa motibo di pandemia di coronavirus, y Dodger Stadium a ricibi e Midsummer Classic 2022.

E wega di 2021 ta programa pa Truist Park na Atlanta, cas di e Braves desde 2017.

Pa motibo di pandemia, ya a retrasa dia di apertura for di 26 di maart pa 23 di juli. “Unabes a bira cla cu nos no lo por tene e festividadnan All-Star di e aña aki, nos tabata kier a duna e Dodgers e proximo wega All-Star, cu ta 2022”, comisionado di baseball Rob Manfred a bisa den un declaracion.

No a anuncia un fecha pa e wega na 2022, maske presidente di Dodgers, Stan Kasten a bisa cu lo tuma luga den e tercer siman di juli.

E aña aki lo ta e prome biaha desde 1945 cu no tin wega. Restriccion di biahe pa motibo di Segundo Guera Mundial no a permiti e wega programa pa Fenway Park di Boston y cualkier seleccion di hungadonan pa tuma luga e aña ey. E wega a keda retrasa pa proximo temporada.

Dodgers a tene e unico Midsummer Classic den historia di Dodger Stadium na 1980, gana 4-2 pa e Liga Nacional.

Hende cu a cumpra ticket pa e wega e aña aki lo haya oferta di un incentivo pa laga e team keda cu e placa te 2022, Kasten a bisa. Cuminsando dialuna tambe lo ofrece reembolso.

Dodgers tabata planeando pa tene e di 91 wega All-Star desde cu a scoge nan na 2018. Nan a manda team di planner na Washington D.C. na 2018, y Cleveland aña pasa pa studia kico tabata bon y kico tabata malo di e ciudadnan anfitrion ey.

Ademas di Futures Game, Home Run Derby y wega All-Star durante tres dia na e stadion, tambe lo tabatin un Fan Fest y otro eventonan rond di e wega.

 

LEAVE A REPLY

Please enter your comment!
Please enter your name here