Cada momento cu presenta Neymar ta presionando pa acelera su salida di Paris Saint Germain (PSG) pa por regresa Barcelona. Den ultimo oranan e Brasileño a dicidi di no acepta e reduccion salarial imponi pa e club Frances como un forma di “presion” pa logra su salida den direccion di e club Catalan.

Segun e diario Spaño Sport, den circulo intimo di e astro internacional nan ta admiti cu Neymar atrobe na Barcelona ta parce un topico, ningun hende kier cera porta pa regreso di e Brasileño na e equipo  ‘Blaugrana’.

Segun e corant deportivo, e virtuoso atacante ta sigui cu “un plan pa intenta bisti un biaha mas e camiseta di Barça” y pa e motibo ey ta propone “tensiona e cuerda cu PSG afirmando cu e lo no acepta e rebaha di sueldo cu Qatar Sport Investments ta aplica, e fondo cu ta controla PSG desde Qatar, y lo insisti den nenga di renoba contrato cu e equipo Frances”.

“Sin embargo esey ta insuficiente. PaNeymar por bolbe Barcelona, no mester solamente di e club di Paris pa acepta pa habri porta pa Neymar, sino cu Barcelona tambe mester haya hungadornan di nivel cu nan por trnasferi pa haci e operacion mas barata,” segun e diario.

Den e linea ey, ta aparece e Francesnan Antoine Griezmann, Ousmane Dembele y Samuel Umtiti, y e Brasileño Philippe Coutinho como esnan menciona como posible moneda di cambio.

Sport ta agrega cu “si esey sucede, Neymar lo mester baha su contrato te casi mitar den un tempo di recorte na Barcelona, cu mester reduci su masa salarial”.

LEAVE A REPLY

Please enter your comment!
Please enter your name here