NFL ta recomendando pa hungadonan na banda di e campo, kende no ta participando den un wega of no ta cla pa subi e campo, bisti tapaboca protectivo.

Den un memo obteni pa AP ayera, e conseho di management di e liga tambe a sugeri pa e 32 team reforsa distancia fisico na banda di e campo mientras NFL ta considera expandiendo e area.

Maske e NFL no a haci tapaboca obligatorio pa tur hungado fuera di e campo, si a ‘fuertemente curasha’ tur hungado activo den area di ‘bench’ kende no ta a punto di drenta e wega pa bisti tapaboca mientras ta para na banda of sinta na e banki.

“Un hungado bistiendo un tapaboca durante contacto cercano significantemente a reduci probabilidad di keda designa un ‘Contacto Cercano di Alto Riesgo’ despues di ta expuesto na un individuo positivo pa Covid”, e memo ta bisa.

Citando un hungado kende a test positivo dos dia despues di hunga den un wega y kende tabatin contacto cercano cu 17 compañero di team y dos miembro di personal – mayoria cu a tuma luga mientras e hungado tabata para na banda di e campo – ‘nos ta recomendando fuertemente pa clubnan continua implementa medidanan pa curasha distancia fisico entre hungadonan y personal durante weganan, segun e memo.

“A player wearing a mask during a close contact has a significantly reduced probability of being designated a ‘High Risk Close Contact’ after an exposure to a COVID-positive individual,” the memo said.

Mientras NFL ta considerando expande e area mas na banda, teamnan por considera reconfigura of agrega banki pa sinta.
E liga tambe ta ofreciendo opcion adicional di test pa chauffeurnan di bus reteni pa teamnan den e ciudad unda nan bay hunga, prome cu yegada di e team.

LEAVE A REPLY

Please enter your comment!
Please enter your name here