Obama cu Curry ta bisa minorianan ‘bo ta importante’

 Ex-presidente Barack Obama, y e super strea di e Golden State Warriors, Stephen Curry, a bisa un camber yena cu mucha homber di minorianan cu nan ta importante, y a urgi nan pa haci mundo un miho luga.

Obama tabata na Oakland, California, pa marka e di cinco aniversario di My Brother’s Keeper, un iniciativa cu el a lansa despues di e morto di Trayvon Martin, di 17 aña di edad, na 2012. E morto di e adolescente Afromericano a causa protestanan tocante perfil racial.

E iniciativa tabata un yamada pa comunidadnan cera gap di oportunidad pa mucha hombernan minoria, specialmente Afromericanonan, Latinonan, y di prome nacionnan, Obama a bisa na casi 100 mucha homber atendiendo e prome reunion nacional di e aliansa. E aliansa My Brother’s Keeper ta parti di e Obama Foundation.

“Nos mester por a bisa nan, ‘bo ta importante, nos ta worry cu bo, nos ta kere den bo, y nos ta bay sigura cu bo tin e oportunidadnan pa bay dilanti mescos tur hende”, Obama a bisa.

Obama, kende a caba su presidencia na 2017, a wordo compaña pa strea di basketball, Stephen Curry. E hombernan a papia como un ora, contestando preguntanan y haciendo joke. Nan a papia tocante falta di confiansa of falta di direccion den adolescencia.

Obama a elogia mamanan soltero, incluyendo esun di dje. El a conseha e mucha hombernan pa busca un mentor, y haya oportunidad di guia otronan.

“Kico nos haci den cancha y e alegria cu ta bin di esey, no tin nada miho”, Curry a bisa. “Pasobra nada great ta wordo logra riba bo mes.”

E ex presidente a entretene e audiencia, y Curry, ora el a wordo puntra tocante ta un homber. El a bisa cu ta un homber ta, ta un bon persona, un persona cu ta responsabel, confiabel, ta traha duro y tin compasion. Ta un homber, el a bisa, no ta tocante bida manera den musica di rap y hip hop.

“Si bo tin hopi confiansa den bo sexualidad, bo no mester tin ocho muhe rond di bo ta twerk”, el a bisa, ricibiendo un aplauso. “Pasobra ami tin un muhe cu mi ta hopi contento cune. Y e ta un muhe fuerte.”

 

You May Also Like

Coach di Sevilla ta bisa cu tin leucemia, lo keda cu e team

MADRID (AP) — Coach di Sevilla, Joaquin Caparros, a bisa cu e tin leucemia, ...

Resultado di campeonato nacional di Ahedres

Durante di e 2 weekendnan cu ta tras di lomba, a tuma luga e ...

Comision Anti-doping a tene un charla pa e delegacion di Rosario 2019

ORANJESTAD – Diamars anochi e Comision Anti-Doping a tene un anochi di informacion pa ...

Futbolista Arubano causando furor na Hulanda

Ex- seleccionado di Aruba, Denzel Dumfries ta causando furor cu su club Heerenveen na ...

Deporte ta un factor clave den Aruba Bank su programa di “CSR”

ORANJESTAD – Durante fin di siman a tuma luga diferente evento di deporte cual ...

Atletanan BMX a biaha pa Florida pa competencia Gator Nationals

Recientemente e atletannan di BMX, esta Feddison akeem Flanders y Shanayah Howell a biaha ...