Japan’s Prime Minister Shinzo Abe speaks at a parliamentary session in Tokyo Monday, March 23, 2020. Abe said a postponement of Tokyo Olympics would be unavoidable if the games cannot be held in a complete way because of the coronavirus pandemic. (Yoshitaka Sugawara/Kyodo News via AP)

Olimpiada na Tokyo probablemente lo tuma luga, pero casi sigur na 2021 y no aki cuatro luna segun programa. Esey a keda cla despues cu IOC diadomingo a anuncia cu tabata considerando pospone Olimpiada y lo tuma un decision dentro di cuatro siman.

Nacionnan Olimpico mayor, manera Canada y Australia, a pone presion bisando cu nan no lo manda nan team si tene e weganan e aña aki.

Presidente di Comite Olimpico Internacional (IOC), Thomas Bach a manda un carta na atletanan splicando e decision, mientras tambe reconociendo cu e fecha extendi por no ta popular.

Movida di IOC tabata parce inevitabel pa varios siman cu presion aumentando di tur banda –atleta, patrocinado, transmisor, mas di 200 comite Olimpico y federacion internacional di sport.

Poco despues di declaracion di Bach, Comite Olimpico Canades a bisa cu no lo manda atleta a menos cu pospone Olimpiada un aña. Australia a duna un declaracion cu ta consehando atletanan prepara pa Olimpiada na 2021.

Politiconan Hapones a baha cabes rapido ayera mientras nan a lata cu noticia di Bach, cual a ser anuncia pa 3am ora na Tokyo, mientras mayoria di e ciudad tabata drumi.

Prome Minister Hapones, Shinzo Abe, papiando den un sesion parlamentario, a bisa cu un retraso di Olimpiada na Tokyo lo ta necesario si no por tene e weganan completo pa motibo di e pandemia.

Abe a bisa cu e tabatin speransa cu IOC lo anuncia un decision lihe, y gobernador di Tokyo, Yuriko Koike a echo su declaracion.

IOC tin tur poder pa dicidi cualkier retraso, segun un contract di Ciudad Anfitrion firma na 2013 entre IOC, Comite Olimpico Hapones y ciudad di Tokyo.

Oficialmente Hapon ta gastando $12.6 biyon pa organisa Olimpiada, pero un auditoria nacional a pone e suma na casi dobel. E factura sigur lo aumenta cu cualkier retraso, y mayoria di e gasto a bin di tesoro publico.

IOC tin un fondo di reserva di alrededor $2 biyon pa yuda su mes y tambe tin seguro contra retraso of cancelacion.

Flambeu Olimpico a yega diabierna ultimo na nort di Hapon for di Grecia. Relay di flambeu ta programa pa cuminsa diahuebs for di prefectura Fukushima, e area devasta pa teremoto, tsunami y meltdown di reactor nuclear na 2011. Organisadonan a bisa cu e relay lo bay door, pero a bisa cu plan por cambia lihe.

Diadomingo, miles a congrega pa mira e candela na ciudad Sendai, forsando organisadonan pa restringi entrada.

Te cu diadomingo, Hapon tabatin 1,719 caso di COVID-19, incluyendo 712 di un crucero, cu 43 morto.

LEAVE A REPLY

Please enter your comment!
Please enter your name here