Diez pais di Suramerica a mira accion ayera pa cualificacion pa Mundial na Qatar 2022. Argentina a gana preta di Bolivia, Uruguay a faya na Ecuador y Brasil a dal duro cu un hattrick di Neymar na Peru.Paraguay a gana cu 0-1 na Venezuela y Chiley Colombia a empata na Santiago: 2-2.

Argentinaden e aire fini na La Paz a logra vence Bolivia:1-2. Integrante di Ajax Nicolás Tagliafico a hunga un partido completo pa Argentina. Pa e equipo di Bolivia, custumbra di hunga nan un altitud di 3.600 metro, Marcelo Moreno a habri score na di 24 minuut. Casi drentando half-time Lautaro Martínez a iguala e score. Despues di descanso ambos equipo a mantene otro den balanza pa basta tempo, te cu na minuut 79 Joaquin Corea, di Lazio, a yuda Argentina vence.

Uruguay a perde for di cas na Ecuador. Na Quito Ecuador a bay dilanti cu 4-0, despues di cual Luis Suarez a suaviza e dolor un poco cu dos penalty na final: 4-2. E atacante di 33 aña ta di De Atletico Madrid ta topscorer di tur tempo di Uruguay cu 62 gol den 115 partido di equipo nacional. Moises Caicedo, Michael Estrada (2) y Gonzalo Plata a score pa Ecuador. Suarez awor ta topscorer di tur tempo den e cualificacion Suramericano pa Mundial cu 41 gol. Esey ta dos mas cu Messi y Ronaldo, ex-atacante Brasileño.

Brasil a gana den Estadio Nacional na Lima cu 2-4 di Peru. Neymar a score tres biaha, di cual dos biaha cu penalty. E atacante di 28 aña di Paris Saint-Germain a traves di su hattrick na Lima a yega na 64 gol den 103 partido di equipo nacional. Cu esaki el a pasa Ronaldo, cu a score 62 den 98 partido di seleccion nacional. Neymar tin awor solamente Pelé su dilanti. E tres biaha campeon mundial (1958, 1962 y 1970) a score 77 biaha den 92 partido pa e equipo Brasileño.

LEAVE A REPLY

Please enter your comment!
Please enter your name here