PANAMA CITY (AP) — Cu un ekipo cu no tabata ni supuesto di ta den e torneo, Panama a vence Cuba 3-1 diadomingo, pa gana su di dos Serie di Caribe, pa prome biaha desde 1950.
Panama tabata representa den e torneo pa prome biaha desde 1960 apenas despues cu e Liganan di Baseball Profesional di Caribe a move e serie fuera di Venezuela pa preocupacion pa siguridad, poco prome cu e serie cuminsa. Cu Panama como anfitrion, e Toros de Herrera a wordo invita pa participa.
E unico ekipo Panameño cu a gana e torneo tabata e Carta Vieja Yankees, kende a haci esaki na 1950 cu un team yena di hungadonan Mericano.
E victoria aki ta añadi na locual ya caba tabata un aña grandi pa baseball Panameño – paisano Mariano Rivera a bira e prome seleccion unanime pa Hall of Fame di baseball na januari. Rivera tabata presente pa e prome anochi di e torneo.
A pesar di a gana e torneo e aña aki, no ta conoci si Panama lo hunga proximo aña na San Juan, Puerto Rico.
Allen Cordoba y Elmer Reyes tabatin RBI den e fondo di e prome contra Freddy Asiel Alvarez, y a añadi un carera den e di shete cu e bate di Rodrigo Vigil.
Carlos Benitez a anota e unico carera di e Cubanonan den e di cinco inning.
“No tin secreto, mi tabatin 29 warrior yen di talento, y tur dia nan a duna mi nan best”, manager di Panama, Manuel Rodriguez, a bisa. “Ora bo hunga baseball di e forma aki, bo ta bay haya e titulonan, y e victoria aki lo yuda baseball na Panama.”
Javy Guerra, un shortstop den e liga menor cu e Padres di San Diego, a wordo yama MVP di e torneo.
E Cubanonan a gana nan ultimo titulo na 2015, y tabata busca pa haya un di cuater campeonato riba suela Panameño, unda nan tabata campeon na 1952, 1956, y 1960.
