Dialuna anochi, mas cu 33 hungador a presenta na e prome entrenamento oficial di nos seleccion nacional di futbol.

Aruba ta den grupo hunto cu Canada, Surnam, Bermuda y Cayman Islands, y lo tin su weganan di clasificacion na maart di 2021.

Coach di Academia di AVB, David Abdul, segun e portal noticiero 297Sports a dirigi palabra na e hungadonan riba e prome entrenamento, detayando kico ta spera di e potencial seleccion. Tambe a papia riba e entrenador di e seleccion, kende lo cuminsa su funcion januari proximo. Pa awor, segun e relato di 297Sports, coachnan di Academia di AVB lo haci e trabou te ora e coach bini aki dos luna. Tanto coach Marvic Bermudez di Academia di AVB y Presidente di AVB, Sr. Dijkhoff a dirigi nan mes na e pre-seleccion.

Entre e hungadornan tin varios cu ta wordo yama pa forma parti di nos seleccion nacional pa prome biaha.

Den un entrevista realisa cu David Abdul e la conta 297Sports cu nada no tabata facil debi na e pandemia. Asina a haya e luz berde nan a inicia cu hungadornan local. Sinembargo, ta e coach cu lo bin eherce como coach nacional lo haci escogencia di e hungadonan pa hiba na e clasificacion.

Segun e portal noticiero, ademas AVB ta haciendo un intento pa Aruba hunga su clasificacion aki mes, pero ainda no por duna mucho detaye.

LEAVE A REPLY

Please enter your comment!
Please enter your name here