Empty seats during the English Premier League soccer match between Newcastle United and Aston Villa at St James' Park stadium in NewCastle, England, Wednesday, June 24, 2020. (Lindsey Parnaby/Pool via AP)

Ainda mester aproba e takeover di club Ingles, Newcastle, pa un consorsio Saudi Arabe, segun hefe ehecutivo di Premier League, Richard Masters a bisa ayera durante un sesion di pregunta na un audiencia parlamentario Britanico tocante e violacionnan di derechonan humano di e pais, y pirateria di transmision.

Despues di tres luna evaluando e oferta, Masters no a duna indicacion di ki momento lo tin un decision si lo permiti e fondo soberano di rikesa Saudi pa financia Newcastle. “Den un mundo perfecto, takeover lo tuma luga di forma limpi, cla y na tempo – tin biaha cosnan ta bira complica”, Masters a bisa.

“Nos test di doño y director no ta uno subhetivo, e ta uno obhetivo, y ta permiti nos descualifica doñonan potencial. Y mi ta papiando en general aki, no tocante ningun takeover of doño specifico, riba un cantidad di diferente asunto. Y pues, nos ta kere e ta robusto y ta permiti nos tuma decision cu ta apropia.”

Masters a rechasa yamadanan di Hatice Cengiz, prometida di periodista asesina Jamal Khashoggi, pa discuti e takeover di e Fondo di Inversion Publico Saudi, cu ta supervisa pa prins Saudi, Mohammed bin Salman.

Agnes Callamard, rapporteur special di Nacionnan Uni riba ehecucionnan extrahudicial, sumario of arbitrario, na 2018 a conclui cu Khashoggi tabata victima di ‘un ehecucion delibera, premedita, un asesinato extrahudicial pa cual Saudi Arabia ta responsabel’. Amnesty a informa Premier League cu e prins tabata involucra den un accion amplio contra derechonan humano.

Legislador John Nicolson a puntra Masters tocante permiti un persona implica den asesinato pa tuma over un club. “Bo ta puntrando mi pa papia di algo cu simplemente mi no por”, Masters a responde.

Premier League anteriormente a busca accion legal contra vinculonan Saudi den pirateria di transmision di su partidonan, cual derechonan ta propiedad di beIN Sports di Qatar. World Trade Organisacion recientemente a duna veredicto cu Saudi Arabia a facilita e pirateria door di blokea movidanan pa shut down e servicio beoutQ. “BeoutQ awo ta fuera di aire”, Masters a bisa, “y loke nos kier haci ta… pa Saudi Arabia responde positivamente na e situacion y permiti esnan cu tin derechonan di deporte pa protege nan derecho.”

LEAVE A REPLY

Please enter your comment!
Please enter your name here