E clubnan di Premier League a vota unanimemente pa reanuda training cu contacto, mientras a surgi cuatro caso positivo mas di coronavirus, di tres diferente club.

A test un total di 1.008 hungador y personal den e di tres vuelta di testing. Te awor 12 persona a test positivo despues di 2.752 test den henter e liga. Fase dos di e ‘Project Restart’ lo mira hungadornan “ train como grupo y practica tackle mientras ta minimalisa contacto innecesario,” e liga ta bisa. Discusion ta continua riba plannan pa reanuda temporada pareu cu “condicion ta permiti”, a añadi.

Lo continua cu test hungador y personal di Premier League dos biaha pa siman pa coronavirus, cu un capacidad aumenta di 50 pa 60 test disponible pa cada club pa e di cuatro round di test. Cualkier hungador o miembro di staff cu test positivo mester bay den isolacion riba su mes pa un periodo di siete dia.

E decision pa bolbe na training cu contacto a bin despues di consulta e clubnan, hungador, manager, Professional Footballers’ Association (PFA), League Managers’ Association (LMA) y gobierno.

Fase tres di e Project Restart ta inclui un paso mas den direccion di training normal y ‘build-up’ pa wega di competencia.

Hefe ehecutivo di Premier League, Richard Masters a conta BBC Sport cu e liga “ta asina confia cu nos por ta” encuanto reanuda temporada na juni, 92 partido pa tuma lugar ainda.

E teamnan a cuminsa training sin contaco siman pasa pa promer biaha desde cu Premier League a keda suspendi dia 13 di maart pa motibo di e pandemia.

Clubnan lo sigui discuti otro asuntonan diahuebs, incluyendo e uso di stadion neutral, y con pa dicidi temporada den caso di corta temporada y tarifanan pa medionan cu ta transmiti partido.

LEAVE A REPLY

Please enter your comment!
Please enter your name here