Paris Saint-Germain a anota dos gol pa empata 2-2 cu Real Madrid, y keda na prome luga den Grupo A di Champions League ayera.
Karim Benzema a duna Madrid e bentaha cu un gol den cada mita na stadion Santiago Bernabeu, pero Kylian Mbappe y Pablo Sarabia a anota den minuut 81 y 83 respectivamente pa seya e empate.
Substituto den segundo mita, Gareth Bale, casi a duna Madrid e victoria cu un tiro liber, pero esaki a dal den post den tempo extra.
PSG, cual a cuminsa e partido sin Neymar ni Edinson Cavani, tabatin mester di apenas un punto pa sigura prome luga.
Madrid a sigura su luga den ronda di knockout pa avansa danki na e empate 1-1 di Club Brugge na Galatasaray anteriormente ayera den e otro partido di ayera. PSG a avansa caba despues di gana su prome cuatro partido, incluyendo un victoria 3-0 contra Madrid na cas.
Coach di Real Madrid, Zinedine Zidane, a bisa: “Nos no ta contento cu e resultado final, pero nos ta contento cu e manera con nos a hunga. Si nos por sigui hunga asina, mi lo ta satisfecho.”
“Real Madrid tabata e miho team pa cantidad di minuut awe nochi”, coach di PSG, Thomas Tuchel a bisa.
Benzema a pone Madrid dilanti den minuut 17, y a agrega su di dos gol den minuut 79.
