Resultado final di Torneo di Ahedres Independencia Republica Dominicano

ORANJESTAD – Recientemente Aruba Chess Federation hunto cu Caquetio Chess Club a organisa riba diadomingo dia 24 di Februari e prome edicion di un torneo di ahedres Independencia Rep. Dom. estilo Blitz.

Formato di e torneo ta cu e ta wordo hunga riba un dia. Cada hungado ta haya 5 minuut + un incremento di 5 seconde despues di cada zet pa termina nan partido. Un total di 9 rond ta wordo hunga den categoria U-18 y 11 rond den categoria U-12 y Open.

Un total di 40 hungado a participa na e torneo aki. 11 den categoria U-12, 17 den categoria U-18 y 12 den categoria Open.

Tur e weganan a wordo hunga den sala Unoca di Cas di Cultura.

Den U-12 Girls a termina na prome luga Mary Jane Bueno, segundo luga Mia Mc Collum y tercer luga Angelina Arens.

Den U-12 Boy a termina na prome luga Patrick de Roo, segundo luga Santiago Rodriguez y tercer luga Kian Ng.

Best U-10 a keda pa Jeayonsley v/d Linde y bet U-18 a bay pa Lui Montoya.

Den U-18, a termina na prome luga Tristan Cousineau. Tristan a score 7 punto for di 9 rond. Segundo luga a bay pa Kellen van Deutekom y tercer luga pa Thamara Sagastegui.

Best U-16 a bay pa Jean Pierre Acevedo y Best U-14 a bay pa Lesley Cielo.

Best performance, e hungado cu a progresa mas compara cu su start rating a bay pa Samantha Aponte.

Den categoria Open, e prome luga a bay pa Peter v/d Brink. Peter a score 10 ½ punto for di 11 wega. Segundo luga a bay pa Eldrick Donata. Eldrick a score 9 punto. Tercer luga a bay pa Wilson Borbon cu 8 punto y di cuatro luga pa Octavio Croes cu 7 punto.

 

You May Also Like

Ben Weider Caribbean Classic Aruba 2017 un exito rotundo

Aruba ta score cu e evento renombra di bodybuilding y fitness, esta e Ben ...

Minister Polaco ta aplaudi regreso di Kubica na F1 despues di 8 aña

Minister di deporte Polaco a bisa cu e regreso di Robert Kubica na Formula ...

RCA ta gana JTL

Recientemente Tricolornan di Solito a enfrenta e Bufalonan di Tanki Leendert. Ya na halftime ...

SV Britannia / Frisian Flag ta gana La Fama 3-1

Durante fin di siman tras di lomba tabata tin continuacion di campeonato di AVB ...

Britannia ta gana Dutch Caribbean Woman’s Soccer Cup

E damanan di Britannia a gana e Dutch Caribbean Woman’s Soccer Cup 2017 cual ...

Shanayah Howell ta titula campeon na Costa Rica

Dia 29 di april  Shanayah Howell a competi na Costa Rica den e competencia ...