Cristiano Ronaldo a celebra su regreso despues di problema cu Covid-19 pa pone Juventus den posicion pa vence debutante den Serie A, Spezia.

Ronaldo cu a perde cuatro partido, a pone e partido na 2-1 tres minuut espues cu el a drenta como substituto den di dos mitar. Su di dos gol tabata un penalty, despues di un infraccion contra Federico Chiesa. Alvaro Morata a duna e bishitantenan di Turin un bentaha tempran; despues Tommaso Pobega a igual score pa Spezia.Juventus asina a move den posicion dos di e tabla di Serie A, cuatro punto tras di lider AC Milan.

Ronaldo, cu a test positivo dia 13 di october, a expresa su frustracion riba rednan social despues di no por a produci un test negativo y mester a perde e partido di Champions League contra Barcelona diarazon pasa.

Barcelona ta faya atrobe

Barcelona a faya pa di cuatro biaha consecutivo pa converti un partido den La Liga den un victoria, contra un Alaves cu dado momento tabata cu 10 homber so.

E huespednan cu a cuminza na di 15 puesto riba tabla, a haya un bentaha di sorpresa tempran ora portero Neto a perde ebala cu Luis Rioja. Alaves a keda cu 10 hungador ora volante Jota a topa cu di dos carchi geel. Antoine Griezmann a iguala score un minuut despues pero Barça no por a a logra un gol pa gana.

Ansu Fati no a haya un gol riba su di 18 cumpleaño pa tremendo salbacion di portero Fernando Pacheco, y Griezmann a mira un gol anula tambe. Despues Pacheco a frustra Barça parando tiro di Lionel Messi, Miralem Pjanic y Sergino Dest.

Mientras Barcelona ta den top di nan grupo di Champions League, den La Liga nan a cay atras ocho punto contra lider Real Madridperdiendo 10 punto den ultimo seis partido.

LEAVE A REPLY

Please enter your comment!
Please enter your name here