Russsia's Daniil Medvedev retuns the ball to John Isner of the United States during their match at the ATP Cup in Perth, Australia, Sunday, Jan. 5, 2020. (AP Photo/Trevor Collens)

Daniil Medvedev a vence John Isner 6-3, 6-1 pa duna Rusia dos victoria den dos start na ATP Cup, lagando Merca como e unico team sin victoria te awo den Grupo D.

Rusia a sigui su victoria 3-1 contra Italia cu otro victoria comodo na Perth ayera, seyando e partido contra e Mericanonan prome cu e par Mericano di Austin Krajicek y Rajeev Ram a scapa un tiki orguyo cu un victoria 6-3, 6-4 contra Karen Khachanov y Medvedev. Khachanov a duna e Rusonan un cuminsamento victorioso cu su comeback 3-6, 7-5, 6-1 contra Taylor Fritz den e prome singles.

Rango No. 5, Medvedev a marca un foot-fault riba match point, cual el a reta sin exito, pero despues a cera inmediatamente ora Isner a net e siguiente service return.

E Austrialianonan a move na cumbre di Grupo F derotando Canada na Brisbane, y e victoria dramatico di Alemania contra Grecia, dicidi pa un super tiebreaker den doubles, a nifica cu e anfitrionnan di e torneo tabata sigura di avansa na cuart final.

E par Aleman, Kevin Krawietz y Andreas Mies a rally pa un victoria 3-6, 6-3, 17-15 den doubles contra Michail Pervolarakis y Stefanos Tsitsipas, kende anteriormente a derota Alexander Zverev 6-1, 6-4 den e segundo encuentro singles pa empata Grecia 1-1.

Bulgaria a derota Moldova pa dos victoria di dos wega den Grupo C na Sydney, prome cu Reino Uni a vence Belgica 2-1 cu un victoria den doubles. Reino Uni, derota den partido di apertura pa Bulgaria, a sigura e victoria cu Jamie Murray y Joe Salisbury kedando on top di e partido di doubles. Dan Evans a empata esaki anteriormente cu un victoria 6-4, 6-4 contra David Goffin despues cu e Belga No.2, Steve Darcis a vence Cameron Norrie 6-2, 6-4.

E seis campeon di grupo, y e dos miho team den segundo luga ta avansa na playoffs na Sydney.

Dos dia despues di lansa su plan di cash pa aces pa recauda fondo pa esfuerso di recuperacion pa candela, Nick Kyrgios a retira di su partido contra Felix Auger-Aliassime pa motibo di dolor di lomba. Rango No. 48, John Millman a tuma su luga ganando 6-4, 6-2 na cas.

Alex de Minaur a sigura e partido pa Australia ora el a rally for di un set y un break down pa vence Denis Shapovalov 6-7 (6), 6-4, 6-2 na Pat Rafter Arena. Australia tambe a gana e doubles pa completa e sweep, tumando vengansa di un perdida den cuart final contra Canada den Davis Cup november ultimo.

Na Sydney, Grigor Dimitrov a gana 6-2, 6-3 contra Radu Albot pa sigura Bulgaria un bentaha invencibel 2-0 despues cu Dimitar Kuzmanov a vence Alexander Cozbinov 6-1, 7-5. Albot a lidera Moldova na un victoria 6-4, 7-6 (4) den doubles pa haci e margen eventual 2-1.

Huma di e candelanan cu a devasta parti di Australia tabata mas obvio rond canchanan den suburbio occidental di Sydney cu den otro dianan, pero Dimitrov a bisa cu e hungadonan toch por a enfoca riba nan partido.

LEAVE A REPLY

Please enter your comment!
Please enter your name here