Cuart final y semifinal di Champions League lo desaparece di television Mericano y di habla Ingles riba cable e berano aki, bou di e contract nobo entre UEFA y CBS, e resto di e competencia 2019-20 lo ser transmiti principalmente online.

CBS a tuma over derechonan for di TBS durante break di pandemia di coronavirus, y a bisa ayera cu e unico partidonan cu tin plan pa transmiti riba television ta e segundo etapanan di ronda di 16 di Manchester City vs. Real Madrid dia 8 di augustus, y Barcelona vs. Napoli e dia siguiente, como tambe e final dia 23 di augustus. Nan lo ta disponibel riba e canal di cabel CBS Sports Network.

Tur otro wega lo ta disponibel online riba CBS All Access.

A stop e torneo pa e pandemia na maart, y UEFA a yega na un acuerdo pa derechonan na Merca cu CBS te cu temporada 2023-24. Como parti di e acuerdo, CBS inmediatamente a tuma over e derechonan for di TBS, cu tabata programa pa core te temporada 2020-21.

Pa motibo di e pandemia, a cambia e cuart final y semi final for di dos etapa pa un knockout di un partido. Tur wega di cuart final lo tuma luga na Lisbon, Portugal.

Resto di Europa League, e torneo di club No. 2 di UEFA, lo ser transmiti completamente via straming online.

ESPN a transmiti e Champions League cu comentario na Ingles na Merca for di 1995-96 te cu 2008-09, sigui pa Fox for di 2009-10 te cu 2017-18.

Univision ta retene derechonan den idioma SpaƱo.

LEAVE A REPLY

Please enter your comment!
Please enter your name here