Tottenham Hotspur's Son Heung-min, center, scores against Aston Villa during the English Premier League soccer match at Villa Park, Birmingham, England, Sunday Feb. 16, 2020. (Nick Potts/PA via AP)

Jose Mourinho no por a resisti un comentario den direccion di Manchester City despues di su suspension Europeo. E prioridadad actual di Mourinho ta pa sigura clasificacion di Tottenham pa Champions League, pero tambe e ta recorda di perde e titulo di Premier League contra City mientras tabata manager di Manchester United.

Tottenham a move na di cinco luga den Premier League despues cu e tiro di Son Heung-min den tempo extra a sigura un victoria 3-2 na Aston Villa ayera.

Di cinco luga awo probablemente lo ofrece un luga den Champions League despues di e suspension di Manchester City pa dos aña na Europa, maske ainda no a confirma esaki oficialmente y City ta apelando contra castigo di UEFA pa violacion di regla financiero.

“Mi no a perde ni un solo minuut analisando UEFA – nan mester analisa”, Mourinho a bisa. “Si mi bay den esey, mi lo mester puntra si e team cu a caba na segundo luga na 2018 lo ira campeon, si of no?” Mourinho a keda finalista cu United dos aña atras, 19 punto tras di City. “Tur chansa un banda, mi ta djis pensa di haci lo miho cu nos por”, Mourinho a bisa di su mision actual.

Defensa di Tottenham, Toby Alderweireld, kende su partner a duna luz na un baby homber diabierna, a manda e pase di Anwar El Ghazi den su propio net despues di nuebe minuut, pero a empata na 1-1 ora el a suta for di skina den minuut 27.

Son a pone Spurs dilanti na fin di prome mita ora el a converti un rebote despues cu Pepe Reina a salba su penalty, otorga despues cu Bjorn Engels a tira abou Steven Bergwijn. Pero Engels a tuma revancha contra Villa empatando atrobe ocho minuut den segundo mita.

Reina a haci varios paro bon di tironan di Son y Dele Alli, pero a keda venci den tempo extra ora Engels a continua su atardi yen di accion perdiendo un pase di rutina permitiendo Son pa core y anota.

“Mi ta hopi complaci cu e victoria pero mi lo ta kehando si e resultado tabata 2-2 despues cu nos a perde asina hopi chens”, Mourinho a bisa.

Derota a tene Villa na di 17 luga, un punto riba zona di relegacion, y awo e team a concede un record di 50 gol den e liga.

Arsenal ta bolbe gana

Pa prome biaha desde Aña Nobo, Arsenal a gana den e liga – venciendo Newcastle 4-0 – y por tambe beneficia di e suspension Europeo di City. Tin intriga mientras Mikel Arteta a stop di traha bou Pep Guardiola na Man City na december pa tuma over Arsenal.

“Mi prome reaccion tabata shock. Mi a tuma contacto cu Pep y e hende na e club cu mi conoce pasobra mi sa nan ta sufriendo”, Arteta a bisa.

Arsenal a subi na di 10 luga, seis punto tras di cinco luga Tottenham, despues cu Pierre-Emerick Aubameyang, Nicolas Pepe, Mesut Ozil y Alexandre Lacazette a anota den nan segundo mita contra Newcastle.

LEAVE A REPLY

Please enter your comment!
Please enter your name here