Aruba Softball Bond a haci tur ehercicio pa cumpli cu protocolnan post Covid 19. ASB a reuni virtualmente cu WBSC pa asina repasa e protocolnan estableci pa henter mundo yama “Safe Return to Baseball and Softball Post Covid Prevetion Guidelines” y tambe e protocolnan estableci pa Gobierno.

Representante di ASB a reuni cu IBISA kende ta maneha y controla protocolnan di gobierno pa cu deportenan local. Despues di a cumpli cu tur e proceso aki na un manera responsabel a organisa algun weganan di fogeo femenino.

Team USA Collega a derota Aruba Bank Lady Tigers y Rockets:

Diamars 28 di juli pa 6:30pm di atardi “sharp sharp” na veld di Kudawecha por a scucha chief umpire Meules grita “Playball” pa promer biaha den 2020. Team USA a derota Aruba Bank Lady Tigers 7-5. Ambos ekipo a conecta 9 hit y a comete 1 eror. Un wega basta balansa. Rudlyn Ras ta bay henter e ruta pero ta keda cortico.

Diaranson 29 di juli pa 6:30pm Team USA College ta enfrenta Rockets di Sta Cruz.
Rockets tabata ganando 5-4 te den cabes di 7 inning, pero ta trece cambio den nan pitcheo cu un mal tiro di pitcher pa primera USA ta empata e wega y ta rally pa gana finalmente 8-5. Tremendo wega porcierto.

Ilajay Tromp, Shakira Kock, Zulaima Croes y Yolaisha Ridderstap tur a bati di 3-1, Frangelina Danies, Marietjie Kock, Liane Tromp a bay di 2-1 y Shakyen Salas y Gaby Angela di 1-1. Di Team USA nos no a logra ricibi e final stats.

Un publico bastante grandi a disfruta di e weganan manteniendo nan mes na e protocolnan estableci na e tereno. ASB kier sigui pidi publico pa tene cuenta cu distancia social y mantene mannan limpi y tosa of nister den elleboog. Importante pa nos cuida y salba economia di nos pais. Lider di e travel Team di USAAI Sr. Bill Edington, kende tin 20 aña treciendo teamnan Aruba, a keda hopi sorprendi cu e reglanan di siguridad cu Aruba a establece y protocolnan cu ta funcionando hopi bon. Nan a manda palabra di elogio via nan rednan social propagandando Aruba gratis y sigur tur propaganda lo yuda engrandese nos turismo. Pues un ehempel di turismo deportivo.

LEAVE A REPLY

Please enter your comment!
Please enter your name here