Diescinco team di liga menor di baseball a entrega un demanda acusando violacion di contract di proveedornan di seguro, despues cu a nenga di paga seguro pa interupcion di negoshi pa motibo di pandemia di coronavirus.

Major League Baseball a anuncia dialuna cu lo purba di tene un temporada regular di 60 wega, pero su clubnan di liga menor – hopi den menasa di perde afiliacion entre negociacionnan cu MLB – probablemente no lo hunga te sikiera 2021.

Frankisianan di liga menor a bisa den e demanda entrega ayera cu maske nan ta sigui paga premium anual na proveedornan di seguro pa seguro di interupcion di negoshi, a nenga di duna nan cobertura despues cu comisionado di baseball, Rob Mandred indefinidamente a suspende nan temporada na maart.

E demanda ta bisa cu teamnan a keda pega cu gastonan averahe di $2 miyon, incluyendo hasta $1 miyon den pago di huur di stadion, costo di marketing, cuminda y bebida y salario y beneficionan pa empleadonan permanente.

E proveedornan ta citando dos motibo pa rechasa reclamo – pasobra perdida no ta resulta di perdida fisico directo of daño na propiedad, of pasobra e polisanan ta inclui lenguahe excluyendo cobertura pa perdida of daño causa pa virus.

E teamnan a bisa cu e perdida di uso di stadion pa motibo di restriccion di gobierno riba samenscholing y nan inhabilidad di obtene hungadonan ta califica como perdida fisico. Nan ta bisa cu e di dos clausula no ta valido pasobra no por aplica y cumpli esaki.

E demanda, entrega den US District Court na Philadelphia, ta nombra Philadelphia Indemnity Insurance Co., Acadia Insurance Co., National Casualty Co., Scottsdale Indemnity Co., y Scottsdale Insurance Co. as defendants.

E clubnan di liga menor lista den e demanda ta Chattanooga Lookouts, Augusta GreenJackets, Boise Hawks, Columbia Fireflies, Eugene Emeralds, Binghamton Rumble Ponies, Fort Wayne TinCaps, Frederick Keys, Greenville Drive, Idaho Falls Chukars, Inland Empire 66ers, Amarillo Sod Poodles, San Antonio Missions, Stockton Ports y Delmarva Shorebirds.

LEAVE A REPLY

Please enter your comment!
Please enter your name here